स्व. बाळासाहेब ठाकरे स्मारक भूमिपूजन सोहळा संपन्न | सरकारमधील प्रमुख नेत्यांची उपस्थिती

मुंबई, ३१ मार्च: बाळासाहेब ठाकरे यांच्या मुंबई येथील स्मारकाचे भूमिपूजन करण्यात आले. मुख्यमंत्री उद्धव ठाकरे यांच्या हस्ते भूमिपूजनाचा कार्यक्रम झाला. या कार्यक्रमात दिग्गज नेत्यांनी उपस्थिती लावली होती. उपमुख्यमंत्री अजित पवार, महसूलमंत्री बाळासाहेब थोरात, ठाण्याचे पालकमंत्री एकनाथ शिंदे, खासदार संजय राऊत, उद्योगमंत्री सुभाष देसाई, मुंबईच्या महापौर किशोरी पेडणेकर असे मोठे नेते या कर्यक्रमाला उपस्थित होते.

हिंदुहृदयसम्राट शिवसेनाप्रमुख वंदनीय बाळासाहेब ठाकरे राष्ट्रीय स्मारकाचा भूमिपूजन सोहळा pic.twitter.com/iUSI0Y03NK

— ShivSena – शिवसेना (@ShivSena) March 31, 2021

दरम्यान, बाळासाहेब ठाकरेंचं स्मारक हा सरकारी कार्यक्रम असल्यामुळे या कार्यक्रमाला विरोधी पक्षनेते देवेंद्र फडणवीस यांना देखील निमंत्रित केलं जाईल अशी अपेक्षा होती. मात्र, तसं झालं नाही. त्यामुळे भारतीय जनता पक्षाच्या नेतेमंडळींकडून त्यावर तीव्र शब्दांमध्ये टीका केली गेली. नितेश राणे यांनी देखील “आज बाळासाहेब असते तर पहिलं निमंत्रण विरोधी पक्षनेते देवेंद्र फडणवीसांना दिलं असतं”, असं म्हणत निशाणा साधला होता.

तसेच महाराष्ट्र नवनिर्माण सेनेचे अध्यक्ष आणि बाळासाहेब ठाकरेंचे पुतणे राज ठाकरे यांना देखील कार्यक्रमाचं निमंत्रण देण्यात आलेलं नव्हतं. त्यावरून देखील मनसे सरचिटणीस संदीप देशपांडे यांनी निशाणा साधत “सरकार पडण्याची भिती होती म्हणून इतक्या घाईत भूमिपूजन सोहळा करून घेतला”, अशी खोचक टीका केली आहे.

News English Summary: Bhumi Pujan of Balasaheb Thackeray’s memorial in Mumbai was held. Bhumi Pujan was held by Chief Minister Uddhav Thackeray. The event was attended by veteran leaders. Deputy Chief Minister Ajit Pawar, Revenue Minister Balasaheb Thorat, Thane Guardian Minister Eknath Shinde, MP Sanjay Raut, Industry Minister Subhash Desai, Mumbai Mayor Kishori Pednekar and other senior leaders were present on the occasion.

News English Title: Bhumi Pujan of Balasaheb Thackeray’s memorial in Mumbai was held in presence of CM Uddhav Thackeray news updates.