चीनच्या लष्कराकडून तैवानला थेट युद्धाची धमकी

बीजिंग, ३० मे: एकीकडे कोरोना व्हायरस जागतीक महामारी बनला आहे. यामुळे जगातील सर्वच देश चीनला लक्ष्य करत आहेत. काही दिवसांपूर्वी, युरोपीय युनियनने कोरोना व्हायरसच्या उत्पत्तीची चौकशी व्हावी, अशी मागणी करणारा प्रस्ताव डब्ल्यूएचओच्या बैठकीत मांडला होता. त्यावेळी चीनने या प्रस्तावाला कडाडून विरोध केला. मात्र, जगाचा दबाव वाढल्यानंतर चीनचे पंतप्रधान ली केकियांग आणि परराष्ट्रमंत्री वांग यी यांनी या चौकशीला समर्थन असल्याचे म्हटले होते.

दुसरीकडे तैवानला स्वतंत्र होण्यापासून आम्हाला रोखता आले नाही, तर चीन थेट हल्ला करेल असा इशारा चीनच्या सेंट्रल मिलिट्री कमिशनचे सदस्य आणि जॉईंट स्टाफ विभागाचे प्रमुख ली झुओचेंग यांनी दिला आहे. ली झुओचेंग हे चिनी सैन्यात वरिष्ठ जनरल पदावर आहेत. चीनमध्ये इतक्या वरिष्ठ पदावरील व्यक्तीने असे विधान करणे अत्यंत दुर्मिळ बाब आहे. बीजींगच्या ग्रेट हॉल ऑफ द पब्लिक येथे शुक्रवारी ली झुओचेंग यांनी हे आक्रमक विधान केले.

“शांततेने एकीकरणाचे मार्ग बंद झाले, तर चीनचे सैन्य संपूर्ण देशाला सोबत घेऊन बंडखोरांवर कारवाई करेल” असे ली झुओचेंग म्हणाले. “सैन्याचा वापर न करण्याचा आम्ही कुठलाही शब्द दिलेला नाही. तैवानमध्ये परिस्थिती नियंत्रणात आणण्यासाठी आम्ही हा पर्याय राखून ठेवला आहे” असे ली झुओचेंग यांनी सांगितले.

News English Summary: Li Zhuocheng, a member of China’s Central Military Commission and head of the Joint Staff Division, warned that China would launch a direct attack if it could not prevent Taiwan from becoming independent. Li Zhuocheng is a senior general in the Chinese military.

News English Title: Chinese Army General Warn Taiwan Can Use Force News latest Updates.