७२ तासांमध्ये दूतावास खाली करण्याचे चीनला आदेश, चीनने लगेच गोपनीय कायदपत्रं जाळली

वॉशिंग्टन, २२ जुलै : अमेरिका आणि चीनमध्ये तणाव वाढत जात आहे. ट्रम्प सरकारने या पार्श्वभूमीवर एक मोठा निर्णय घेतला आहे. बुधवारी ट्रम्प यांनी चीनला ह्युस्टनस्थित (Houston Consulate) महावाणिज्य दूतावास ७२ तासांत बंद करण्याचा आदेश दिला आहे.

अमेरिकेच्या या आदेशानंतर दूतावासात गोंधळ उडाला आहे. काहींच्या मते अमेरिकेच्या या आदेशानंतर चीनच्या दूतावासात धूर येत असल्याचे दिसत आहे. काहींनी दिलेल्या माहितीनुसार चिनी कर्मचारी गोपनीय कायदपत्रं जाळत आहेत. अमेरिकेच्या या आदेशानंतर चीनदेखील भडकला आहे. आणि या आदेशानंतर प्रत्युत्तर देणार असल्याचं सांगितलं आहे.

#BREAKING Beijing says US ordered it to close Chinese consulate in Houston pic.twitter.com/jM0ymvYDdw

— AFP news agency (@AFP) July 22, 2020

अमेरिका व चीन यांच्यातील संबंधात दिवसेंदिवस तणाव वाढत चालला आहे. चीनविरोधात टीका करणाऱ्या ट्रम्प प्रशासनानं चीनला थेट ह्यूस्टन येथील वाणिज्य दूतावास बंद करण्याचे आदेश दिले आहेत. चीनच्या परराष्ट्र मंत्रालयाचे प्रवक्ते वांग वेन्बिन याविषयी बोलताना म्हणाले,”ह्यूस्टन येथील वाणिज्य दूतावास बंद करण्यासंबंधी चीनला मंगळवारी माहिती देण्यात आली. अमेरिकेनं हा चुकीचा निर्णय मागे घ्यावा असा आग्रह चीननं केला आहे. नाहीतर चीनही या निर्णयाविरोधात आवश्यक व योग्य पावलं टाकेल,” असा इशारा चीननं अमेरिकेला दिला आहे.

चीनच्या परराष्ट्र मंत्रालयाने अमेरिकेच्या या निर्णयाचा तीव्र निषेध केला आहे. जर अमेरिकेने हा चुकीचा आदेश मागे घेतला नाही, त्याचा ‘न्याय्य व आवश्यक सूड’ घेतला जाईल. दूतावातातून येणारे आगीचे लोट पाहिल्यानंतर ह्युस्टन अग्निशमन विभागाची वाहने घटनास्थळी पोहोचली, परंतु ती दूतावासाच्या आत गेली नाहीत. अमेरिकेच्या या निर्णयाने चीनशी असलेले त्याचे संबंध अधिक तणावग्रस्त होण्याची शक्यता वाढली आहे.

News English Summary: Tensions are rising between the US and China. The Trump administration has made a big decision against this backdrop. On Wednesday, Trump ordered China to close its consulate in Houston within 72 hours.

News English Title: U S Government Orders China To Close Its Houston Consulate In 72 Hours News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.