मुंबई, १२ ऑगस्ट : वेगवेगळ्या क्षेत्रात अतिउत्कृष्ट कामगिरी बजावलेल्या मान्यवरांची पद्म पुरस्कारासाठी शिफारस करण्यासाठी समिती गठीत करण्यात आली आहे. या समितीच्या अध्यक्षपदी पर्यटन, पर्यावरण आणि राजशिष्टाचार मंत्री आदित्य ठाकरे यांची नियुक्ती करण्यात आली आहे. आदित्य ठाकरे हे या समितीचे अध्यक्ष आहेत. या समितीत 5 कॅबिनेट मंत्री, 2 राज्यमंत्री, प्रधान सचिव, मुख्य राजशिष्टाचार अधिकारी अशा 9 जणांचा यात समावेश आहे.

यात उद्योगमंत्री सुभाष देसाई, पशुसंवर्धन मंत्री सुनील केदार, वैद्यकीय शिक्षण आणि सांस्कृतिक कार्य मंत्री अमित देशमुख, उच्च आणि तंत्र शिक्षण मंत्री उदय सामंत, सामाजिक न्यायमंत्री धनंजय मुंडे, राज्यमंत्री उद्योग अदिती तटकरे, राज्यमंत्री सार्वजनिक बांधकाम दत्तात्रय भरणे यांचा सदस्य म्हणून समावेश आहे. प्रधान सचिव आणि मुख्य राजशिष्टाचार अधिकारी यांची ही या समितीत सदस्य सचिव म्हणून नियुक्ती करण्यात आली आहे.

दरम्यान, याच विषयावरून विरोधकांनी आदित्य ठाकरे यांना लक्ष करण्यास सुरुवात केली आहे. भाजपचे आमदार नितेश राणे यांनी पर्यावरण मंत्री आदित्य ठाकरे यांना ट्विटरवरून सणसणीत टोला लगावला आहे. याबद्दल ट्विट करताना आमदार नितेश राणे यांनी म्हटलं आहे की, “आदित्य ठाकरे राज्य सरकारच्या पद्म पुरस्कार समितीचे अध्यक्ष झाले आहेत. अपेक्षा करूया की आता लवकरच डिनो मोरियाला पद्म पुरस्कार मिळणार नाही. कारण त्याचं नाईट लाईफ गॅंगला मोठं योगदान आहे….Let’s wait n watch!!

 

News English Summary: A committee has been constituted to recommend for the Padma Awards the dignitaries who have excelled in various fields. Tourism, Environment and Etiquette Minister Aditya Thackeray has been appointed as the chairman of the committee.

News English Title: BJP MLA Nitesh Rane criticized environment minister Aaditya Thackeray after appointed as chairman of Padma Awards committee News Latest Updates.

नाईट लाईफ गॅंगला मोठं योगदान देणाऱ्या डिनो मोरियाला पद्म पुरस्कार मिळणार नाही अशी…