जगाने इंग्लंड विमान सेवा खूप आधीच रोखली | आपले प. बंगालच्या राजकारणात मग्न | तोपर्यंत भारतात..

नवी दिल्ली, २२ डिसेंबर: लंडनहून दिल्लीला आलेल्या प्रवासी विमानातील ५ प्रवासी हे कोरोना पॉझिटीव्ह आढळले आहेत. या सर्वांना क्वारंटाइन करण्यात आलं आहे. एकूण २६६ प्रवासी या विमानामध्ये होते. या सर्वांची कोरोना चाचणी करण्यात आली होती. यातील ५ प्रवाशांचा अहवाल पॉझिटीव्ह आल्याने आता भारताची चिंता वाढली आहे. कारण, युरोपमध्ये सध्या कोरोनाच्या नव्या स्ट्रेनने हाहा:कार माजवला आहे. त्यामुळे संपूर्ण ब्रिटनमध्ये पुन्हा एकदा चतुर्थ श्रेणीचा कडक लॉकडाउन जाहीर केला आहे.

New strain in news since a week. When all countries stopped flights 7 days ago, what were you waiting for? Again Indian govt delayed decision making.

— Sudhanshu (@Sudshek) December 22, 2020

जगभरात एक आठवडा आधीच ब्रिटनच्या विमान सेवेवर बंदी घातली होती. भारतात मोदी सरकार गाफील राहिलं आणि प. बंगालच्या राजकरणात मग्न झाल्याचं पाहायला मिळालं. त्यातही अनेक राज्यांनी आणि मुख्यमंत्र्यांनी जाहीर ट्विट करून भारत सरकारला ब्रिटनच्या विमानसेवेवर तात्काळ बंदी घालण्याची विनंती केली. त्यानंतर काल दिल्लीत धावाधाव झाली आणि उशिरा निर्णय जाहीर करण्यात आला. परिणामी दिल्लीत एकूण २६६ प्रवाशांना घेऊन लंडनहून एक विमान भारतात आलं आहे, ज्यामध्ये तब्बल ५ प्रवासी हे कोरोना पॉझिटिव्ह निघालेआहेत. त्यामुळे मोदी सरकार किती गाफील आहे याचा अंदाज येऊ शकतो.

दरम्यान, ब्रिटनमध्ये करोनाचा नवा प्रकार आढळल्याने इतर सर्व देशांनी खबरदारी घेण्यास सुरुवात केली आहे. वेगाने पसरणारा करोनाचा हा नवा प्रकार चिंता वाढवत असतानाच जागतिक आरोग्य संघटनेकडून (WHO) महत्वाची माहिती देण्यात आली आहे. करोनाचा नवा प्रकार अद्यापही अनियंत्रित झालेला नसून योग्य उपाययोजना करत तो रोखला जाऊ शकतो असं आरोग्य संघटनेने सांगितलं आहे. एएफपीने यासंदर्भात वृत्त दिलं आहे.

News English Summary: New strain in news since a week. When all countries stopped flights 7 days ago, what were you waiting for? Again Modi govt delayed decision making.

News English Title: Total five passengers came from London to Delhi got corona positive news updates.