भाजप अध्यक्ष अमित शहा संपर्क फॉर समर्थन अभियानाअंतर्गत सध्या मुंबई दौऱ्यावर आहेत. त्यांच्या या दौऱ्यावर मनसे अध्यक्ष राज ठाकरेंनी मार्मिक टीका केली आहे. आणि याचे कॅप्शन आहे “अमित शहांची बकेट लिस्ट”, जे सध्या सोशिअल मीडियावर बरंच व्हायरल होताना दिसत आहे.
बकेट लिस्ट या शब्दाचा अर्थ होतो मनातल्या इच्छा, नुकताच रिलीज झालेला माधुरी दीक्षित यांचा बकेट लिस्ट सिनेमा आणि अमित शहांनी त्यांची घेतलेली भेट यावर आधारित हे बोलकं व्यंगचित्र आहे. बरंका या लिस्ट मध्ये शिवसेना प्रमुख उद्धव ठाकरेंचं देखील नाव आहे.
संपर्क फॉर समर्थन या अभियानाअंतर्गत अमित शाह विविध मान्यवरांना भेटत आहेत. मुंबईतही अमित शाहांनी उद्योगपती रतन टाटा आणि माधुरी दीक्षितची भेट घेतली, तर ज्येष्ठ गायिका लता मंगेशकर आजारी असल्यामुळे त्यांची भेट होऊ शकली नाही.
