यवतमाळमध्ये एका मुलीचा गर्भपात | कागदोपत्री नाव श्रीमती पूजा अरुण राठोड..ती नेमकी कोण?

यवतमाळ, १७ फेब्रुवारी: बीडची टिकटॉक गर्ल पूजा चव्हाण हिच्या आत्महत्येप्रकरणी संशयाच्या भोवऱ्यात सापडलेले आघाडी सरकारमधील वनमंत्री संजय राठोड यांना शिवसेनेकडून तूर्तास अभय मिळाल्याचे दिसत आहे. मंगळवारी सकाळपासूनच माध्यमांमध्ये राठोड यांनी राजीनामा दिल्याचे वृत्त प्रसारित केले जात होते. परंतु राठोड यांचा राजीनामा घेण्याचा शिवसेना पक्षप्रमुख तथा मुख्यमंत्री उद्धव ठाकरे यांचा कोणताही विचार नाही, असे शिवसेनेच्या सूत्रांकडून सांगण्यात आले.

दरम्यान, पूजा चव्हाण आत्महत्या प्रकरणात आणखी मोठी माहिती समोर येतेय. यवतमाळच्या वसंतराव नाईक शासकीय वैद्यकीय महाविद्यालयात पूजा अरूण राठोड नावाच्या मुलीचा गर्भपात झाल्याची नोंद आहे. ही पूजा अरूण राठोड हीच पूजा चव्हाण आहे का याबाबत कुठलीही माहिती देण्यात आलेली नाही. पण नाव पूजा आणि त्यानंतर ह्या प्रकरणात अरूण राठोडचं असलेलं कनेक्शन यावरुन पूजा चव्हाण हीच पूजा अरूण राठोड असावी, असा अंदाज व्यक्त केला जातो आहे.

विशेष म्हणजे व्हायरल ऑडिओ क्लीप मध्ये देखील प्रेग्नंसीबाबत चर्चा होताना दिसते आहे. त्याच पार्श्वभूमीवर ही नवी माहिती महत्त्वपूर्ण मानली जाते आहे. पूजा अरूण राठोड ही 6 फेब्रुवारीला पहाटे 4 वाजून 34 मिनिटांनी हॉस्पिटलमध्ये दाखल झालेली होती. तशी नोंद अहवालात आहे. तिचा वॉर्ड क्रमांक 3 होता आणि डॉ. श्रीकांत वराडे यांनी तिच्यावर उपचार केल्याचं रिपोर्टमध्ये दिसतं आहे. प्रसार माध्यमांनी डॉक्टरांशी संपर्क केला पण ते नॉट रिचेबल आहेत.

यवतमाळमध्ये एका मुलीचा गर्भपात | कागदोपत्री नाव श्रीमती पूजा अरुण राठोड..ती नेमकी कोण? pic.twitter.com/6Xz3ghwoTK

— महाराष्ट्रनामा न्यूज (@MahaNewsConnect) February 17, 2021

News English Summary: The Pooja Chavan suicide case has more information. A miscarriage of a girl named Pooja Arun Rathod has been reported at Vasantrao Naik Government Medical College in Yavatmal. No information has been given as to whether this Pooja is Arun Rathore’s Pooja Chavan. But based on the name Pooja and then Arun Rathore’s connection in this case, it is speculated that Pooja Chavan should be Pooja Arun Rathore.

News English Title: Pooja Chavan suicide case medical report of Pooja Arun Rathod abortion news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.