मराठा मोर्चाला सुरुवात | संभाजीराजे, प्रकाश आंबेडकर आंदोलनस्थळी दाखल | सर्व पक्षांचा पाठिंबा

मुंबई, १६ जून | मराठा समाजाला आरक्षण मिळावे यासाठी आज कोल्हापुरातून आंदोलनाचे रणशिंग फुंकले गेले आहे. खासदार संभाजी शाहू छत्रपती यांच्या नेतृत्वाखाली मूक आंदोलन सुरु झालं असून राजर्षी शाहू महाराज समाधिस्थळी काळ्या रंगाची वेशभूषा आणि दंडावर काळ्या फिती लावून हे आंदोलन करण्यात येतं आहे. कोल्हापूरसह औरंगाबाद, नाशिक, अमरावती आणि रायगड अशा राज्यातील पाच प्रमुख जिल्ह्यांमध्ये हे आंदोलन करण्यात येणार आहे. या आंदोलनात वंचित बहुजन आघाडीचे प्रमुख अॅड. प्रकाश आंबेडकर हेसुद्धा सहभागी झाले आहेत. आंदोलनस्थळी लोकप्रतिनिधी बोलतील, आम्ही ऐकू, असे संभाजीराजे यांनी मंगळवारी सांगितले आहे.

आंदोलनासाठी मंत्री, खासदारांसह सर्व लोकप्रतिनिधींनाही निमंत्रित करण्यात आले आहे. मूक आंदोलनानंतर मुंबईत विधान भवनावर लाँग मार्च काढण्यात येणार आहे. त्यासाठी जिल्हावार बैठका घेण्यात येणार आहेत. लाँग मार्चबाबत आज चर्चा व घोषणाही होण्याची शक्यता आहे.मंगळवारी आंदोलनाच्या तयारीसाठी संभाजीराजेंच्या अध्यक्षतेखाली पदाधिकारी, कार्यकर्त्यांची बैठक झाली. या वेळी कोरोना नियमावलीचे काटेकोर पालन करण्याच्या दृष्टीने आचारसंहिताही जाहीर करण्यात आली. या आंदोलनास कोल्हापूरचे पालकमंत्री सतेज पाटील यांच्यासह आमदार-खासदारांनी पाठिंबा दिला आहे.

या मराठा मोर्चाला सर्वपक्षीय नेत्यांनी पाठिंबा दिला आहे. काँग्रेस नेते आणि पालकमंत्री सतेज पाटील, ग्रामविकास मंत्री हसन मुश्रीफ, भाजप प्रदेशाध्यक्ष चंद्रकांत पाटील, शिवसेना खासदार धैर्यशील माने, खासदार संजय मंडलिक यासारख्या सर्व आमदार-खासदारांनी या आंदोलनाला पाठिंबा दिला आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे.

News Title: Maratha Morcha Kolhapur today Maharashtra Maratha reservation demands by Sambhaji Raje Chhatrapati news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.