रासप आ. रत्नाकर गुट्टे ED कारवाईनंतर संकटात | जाणकरांचं राजकीय अस्तित्त्व पणाला

मुंबई, २४ डिसेंबर: रासप आमदार रत्नाकर गुट्टे यांच्या अडचणीत पुन्हा एकदा वाढ झालीय. त्यांना शेतकरी आणि इतर उद्योगांच्या नावावर कर्ज घेणं भोवलं असून, अंबाजोगाई रोडवरील योगेश्वरी हॅचरिज ही मालमत्ता रात्री उशिरा ईडीने कारवाईत जप्त केलीय. रत्नाकर गुट्टेंची गंगाखेड शुगर्सची 225 कोटींची मालमत्ता जप्त करण्यात आली असून, शेतकऱ्यांच्या नावे कर्ज लाटल्याचा त्यांच्यावर आरोप आहे.

शेतकऱ्यांच्या नावे कर्ज लुटून ती रक्कम आपल्या कंपनीत गुंतवल्याचाही गुट्टेंवर आरोप ठेवण्यात आलाय. रत्नाकर गुट्टे हे राष्ट्रीय समाज पक्षाचे आमदार असून, ईडीनं ही मोठी कारवाई केली आहे. शेतकऱ्यांच्या नावे परस्पर कर्ज घेऊन गुट्टे यांनी आपल्या विविध कंपन्यात गुंतवणूक केली असून, गंगाखेडमध्ये गुन्हा दाखल झाला होता. याप्रकरणी आमदार रत्नाकर गुट्टे यांना अटकही झाली होती. बीडमधील गुट्टेंच्या कोट्यवधींच्या संपत्तीवर ईडीने टाच आणली.

शेतकऱ्यांच्या नावे परस्पर कर्ज लाटल्याचा रत्नाकर गुंट्टेंवर आरोप आहे. शेतकऱ्यांच्या नावाने परस्पर कर्ज घेऊन ती रक्कम आपल्या विविध कंपन्यांमध्ये गुंतवल्याचे स्पष्ट झाल्यानंतर रासप आमदार रत्नाकर गुट्टे यांच्या गंगाखेड शुगर आणि एनर्जी लिमिटेड या कंपन्यांची परभणी, बीड आणि धुळे येथील तब्बल 255 कोटींची मालमत्ता जप्त केलीय.

शेतकऱ्यांच्या फसवणूक कर्ज प्रकरणात त्यावेळी जेलमध्ये असलेले उद्योजक रत्नाकर गुट्टे यांनी गंगाखेड विधानसभा मतदारसंघातून रासपकडून निवडणूक लढविली होती आणि त्यांनी शिवसेनेच्या उमेदवाराचा तब्बल १८ हजार ८९६ मतांनी पराभव केला होता. विधानसभा निवडणुकीपूर्वी रत्नाकर गुट्टे जवळपास ४ महिने आधी परभणीच्या जेलमध्ये होते.

२०१९ च्या निवडणुकीत भाजपने आम्हाला शंभर टक्के फसवलं असलं तरी शिवसेना-भाजप महायुतीतून रासप बाहेर पडलेली नाही असं जाणकार यांनी त्यावेळी म्हटलं होतं. शिवसेना-भाजपला 287 जागांवर मदत करणार आहोत, परंतु गंगाखेडची एक जागा आम्हाला लढवू द्या, असं म्हणत राष्ट्रीय समाज पक्षाचे नेते महादेव जानकर यांनी आपली हतबलता व्यक्त केली होती. मात्र आता तो एकमेव आमदार देखील संकटात आल्याने जाणकरांचं राजकीय अस्तित्त्व पणाला लागल्याची राजकीय चर्चा रंगली आहे.

News English Summary: RSP MLA Ratnakar Gutte’s troubles have increased once again. They are trying to take loans in the name of farmers and other industries. The property of Yogeshwari Hatcheries on Ambajogai Road was confiscated by the ED late last night. Ratnakar Gutte’s assets worth Rs 225 crore belonging to Gangakhed Sugars have been seized and he is accused of laundering loans in the name of farmers.

News English Title: ED action on RSP MLA Ratnakar Gutte regarding Yogeshwari Hatchery property news updates.