मी सुसंस्कृत कुटुंबातील आहे | राणे कुटुंबाची पार्श्वभूमी गँगपासून खून, अपहरण, खंडणी पर्यंत

मुंबई, १५ मार्च: आज दुपारी घेतलेल्या पत्रकार परिषदेत भाजपचे आमदार नितेश राणे यांनी IPL सट्टेबाजांकडून सचिन वाझे यांनी १५० कोटीची खंडणी मागितल्याचा आरोप करताना त्यात युवासेनेचे सचिव वरुण सरदेसाई देखील वाटेकरी असल्याचा खळबळजनक आरोप केला होता. त्या आरोपांना उत्तर देण्यासाठी वरुण सरदेसाई यांनी देखील पत्रकार परिषद घेऊन चोख प्रतिउत्तर दिलं आहे. (Yuvasena secretary Varun Sardesai reply to allegations of BJP MLA Nitesh Rane in press conference)

यावेळी वरुण सरदेसाई म्हणाले की, “आपण सगळे मला युवासेनेचा सचिव म्हणून ओळखतात. त्याच्या आधीची मी माझी पार्श्वभूमी सांगतो. दहावीत मला 91 टक्के मिळाले. त्यानंतर बारावीत मला डिस्टिन्क्शन मिळालं. त्यानंतर मुंबई विद्यापीठात मी सिव्हिल इंजिनिअरची पदवी मिळवली. त्यानंतर डॉ. बाबासाहेब आंबेडकर यांनी शिक्षण घेतलं अशा जगातील प्रसिद्ध कोलंबिया विद्यापीठात मी मास्टर्स इन सिव्हिल इंजिनिअरची पदवी मिळवली. ही पदवी अगदी एका वर्षात मिळवली. मी ते करुन परत आलो.

माझ्या वडिलांचा व्यवसाय आहे. युवा सेनेत काम करत असताना मी युवा सेनेत काम करतो. माझे वडील मॅकेनिल इंजिनिअर आहेत. त्याचबरोबर माजे आजोबाही इंजिनिअर आहे. मी सुसंस्कृत कुटुंबात आहे. मला राजकारणाची आवड आहे. पण आज जे आरोप केले तसे कामं माझ्याकडून घडणारही नाहीत. ज्यांनी माझ्यावर आरोप केले त्या राणे कुटुंबाची पार्श्वभूमी सर्वश्रूत आहे. त्यांची सुरुवातीची गँग पासून खून, किडनॅपिंग सारखे गुन्हे त्यांच्यावर दाखल आहेत”, अशा शब्दात युवासेना नेते वरुण सरदेसाई यांनी प्रत्युत्तर दिले.

News English Summary: In a press conference this afternoon, BJP MLA Nitesh Rane had accused Sachin Waze of demanding a ransom of Rs 150 crore from IPL bookies, including Yuvasena secretary Varun Sardesai. Varun Sardesai has also taken a press conference to respond to those allegations.

News English Title: Yuvasena secretary Varun Sardesai reply to allegations of BJP MLA Nitesh Rane in press conference news updates.