राणे स्वतः पत्रकारितेत | तरी लिखाणावरून लोकपत्र वृत्तपत्राच्या कार्यालयावर समर्थकांचा हल्ला

औरंगाबाद, ३१ मे | नारायण राणे स्वतः पत्रकारितेत असून प्रहार नावाचं वृत्तपत्रं चालवतात. मात्र आज घडलेल्या धक्कादायक प्रकारातून त्यांनी स्वतःच पत्रकारितेची मूल्य आणि स्वातंत्र्य बाजूला ठेवल्याचं पाहायला मिळालं. कारण लोकपत्र’ वृत्तपत्राचे संपादक रवींद्र तहकीक यांच्यावर हल्ला झाल्याची माहिती आहे. भारतीय जनता पक्षाचे राज्यसभेचे खासदार नारायण राणे यांच्या कार्यकर्त्यांनी तहकीक यांच्यावर हल्ला केल्याचा आरोप आहे.

वृत्तपत्रात आक्षेपार्ह लिखाण केल्याच्या रागातून राणेंच्या कार्यकर्त्यांनी संपादक रवींद्र तहकीक यांच्या चेहऱ्याला काळं फासल्याची माहिती आहे. औरंगाबादमध्ये काल रविवारी दुपारी ही घटना घडल्याचं वृत्त आहे.

‘लोकपत्र’ वृत्तपत्राचे संपादक रवींद्र तहकीक यांनी भाजप खासदार नारायण राणे यांच्याविषयी वर्तमानपत्रात लेख लिहिला होता. नारायण राणे आणि संभाजीराजे छत्रपती यांच्यातील वादावर हा लेख लिहिला होता. राणेंचे पुत्र आणि माजी खासदार निलेश राणे यांचा फोटो लेखाला लावण्यात आला आहे. राणे यांच्याबाबत लेखात आक्षेपार्ह लिखाण केल्याचा कार्यकर्त्यांचा आरोप आहे. लेख प्रसिद्ध झाल्यानंतर राणे यांच्या संतप्त समर्थकांनी हल्ला केल्याची माहिती आहे.

News English Summary: It is learned that Rane’s activists blackened the face of editor Ravindra Tehkeek out of anger over the offensive writing in the newspaper. The incident took place in Aurangabad on Sunday afternoon.

News English Title: Lokpatra newspaper editor Ravindra Tehkik attacked by MP Narayan Rane supporters in Aurangabad news updates.