28 March 2024 8:45 PM
अँप डाउनलोड
बातम्या फ्लॅश
Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल HLV Share Price | 26 रुपयाचा शेअर करतोय मालामाल, अल्पावधीत 650% परतावा, पुन्हा अप्पर सर्किटवर Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल?
x

नोटबंदी हा देशातील सर्वात मोठा घोटाळा हे राज ठाकरेंचे आरोप खरे ठरले? सविस्तर

मुंबई : मनसे अध्यक्ष राज ठाकरे यांनी भर सभेत भाजपने लादलेली नोटबंदी ही म्हणजे देशातील सर्वात मोठा घोटाळा असल्याचा आरोप केला होता. राज ठाकरेंच्या त्या आरोपाला सध्या माहितीच्या अधिकारात बाहेर आलेल्या आकड्यामुळे दुजोरा मिळताना दिसत आहे. कारण भारतात इतक्या सहकारी बँका असताना सुद्धा भाजपचे राष्ट्रीय अध्यक्ष अमित शहा संचालक असलेल्या अहमदाबाद जिल्हा सहकारी बँकेत सर्वाधिक म्हणजे ७४५. ५९ कोटी रुपयांच्या जुन्या नोटा नोटाबंदीनंतर अवघ्या ५ दिवसांमध्ये जमा झाल्याच माहितीच्या अधिकारात उघड झालं आहे.

मुंबईतील आरटीआय कार्यकर्ते मनोरंजन रॉय यांनी माहिती अधिकाराअंतर्गत देशातील जिल्हा बँकेत नोटबंदी जाहीर केल्यानंतर जुन्या नोटासंदर्भातील माहिती आरटीआय कायद्याअंतर्गत मागवली होती. देशात ८ नोव्हेंबर २०१६ रोजी पंतप्रधानांकडून नोटाबंदी जाहीर करण्यात आली आणि १००० व ५०० रुपयांच्या नोटा चलनातून बाद करण्याचा निर्णय घेण्यात आला होता.

नोटबंदी जाहीर केल्यानंतर ५ दिवसांनी देशभरातील जिल्हा बँकांना जुन्या नोटा स्वीकारण्यास सक्त मनाई करण्यात आली होती. नेमक्या त्याच ५ दिवसांच्या काळात देशभरातील कोणत्या सहकारी बँकेत जुन्या नोटा स्वीकारण्यात आल्या होत्या तसेच त्याच जुन्या नोटांचा अधिकृत आकडेवारी मागविण्यात आली होती. कारण याच ५ दिवसांमध्ये जुन्या नोटा बदलून देण्यात आल्या होत्या.

माहितीच्या अधिकारात हाती आलेल्या आकडेवारीनुसार गुजरातमधील दोन बँक अग्रस्थानी असल्याचे समोर आलं आहे. धक्कादायक म्हणजे भाजपचे राष्ट्रीय अध्यक्ष अमित शहा संचालक असलेल्या अहमदाबाद जिल्हा बँकेने सर्वाधिक जुन्या नोटा जमा केल्याचे आकडेवारीत समोर आले आहे. अहमदाबाद जिल्हा बँकेत त्या ५ दिवसात तब्बल ७४५. ५९ कोटी रुपयांच्या जुन्या नोटा जमा झाल्या होत्या. अहमदाबाद जिल्हा बँकेच्या अधिकृत वेबसाईटवर तशी अधिकृत माहिती उपलब्ध आहे. विशेष म्हणजे अमित शहा हे २००० साली अहमदाबाद जिल्हा बँकेच्या अध्यक्षपदी सुद्धा होते. त्यानंतर दुसरा क्रमांक लागतो तो गुजरातमधीलच राजकोट जिल्हा सहकारी बँकेचा कारण या बँकेत ६९३ कोटी रुपयांच्या जुन्या नोटा जमा झाल्या होत्या.

एकूणच समोर आलेली अधिकृत आकडेवारी पाहता आणि त्याचा थेट संबंध अमित शहा यांच्याशी आल्याने तसेच देशभरात व महाराष्ट्रात अनेक मोठमोठ्या सहकारी बँका असताना सुद्धा गुजरातमधील अहमदाबाद जिल्हा बँक आणि राजकोट जिल्हा सहकारी बँकांची नावं समोर आल्याने मनसे अध्यक्ष राज ठाकरे यांनी केलेले आरोपात प्रथमदर्शनी तथ्य तर नाही ना असा प्रश्न उपस्थित झाला आहे.

हॅशटॅग्स

#Amit Shah(265)

संबंधित बातम्या

राहुन गेलेल्या बातम्या

x