मोदींच्या घरात करोडो रुपये, आयकर विभाग कारवाई करेल काय?

चेन्नई : लोकसभा निवडणुकीसाठी देशातील सर्वच पक्षाच्या उमेदवारांनी प्रचाराला जोरदार सुरवात केली आहे. दरम्यान सत्ताधारी आणि विरोधक यांच्यात आरोप-प्रत्यारोपांच्या फैरी झडण्यास सुरुवात झाल्याने आता प्रचार आणखी तीव्र होण्याची शक्यता आहे. यातच तामिळनाडूमधील द्रविड मुनेत्रा काझगम अर्थात (डीएमके) पक्षाचे प्रमुख एमके स्टॅलिन यांनी भारताच्या आयकर विभागाला थेट आव्हान देत पंतप्रधान मोदींवर निशाणा साधला आहे. जर आयकर विभागाने नरेंद्र मोदी यांच्या घरी छापे टाकावेत, असे एमके स्टॅलिन यांनी म्हटले आहे.

कोयंबतूरमधील एका प्रचारसभेत लोकांना संबोधित करताना एमके स्टॅलिन यांनी मोदींना तिखट शब्दात लक्ष केले. यावेळी, एमके स्टॅलिन म्हणाले, ‘आयकर विभाग सांगत आहेत की संपूर्ण माहिती मिळाल्यानंतरच दुमई मुरगन यांच्या घरावर छापा टाकण्यात आला. परंतु असे असेल तर नरेंद्र मोदींच्या घरी किती करोडो रुपये असतील, असे मी सांगितले. तर तुम्ही त्यांच्या घरावर तसाच छापा टाकणार काय? असा थेट सवाल एमके स्टॅलिन यांनी आयकर विभागाला केला आहे.’

उपमुख्यमंत्री ओ. पन्नीरसेल्वम यांचा मुलगा लोकसभा निवडणुकीच्या रिंगणात उतरला आहे. यंदाच्या लोकसभा निडणुकीसाठी त्यांच्या पार्टीकडून मोठ्या प्रमाणात पैसा खर्च करण्यात येत आहे, असा गंभीर आरोप करत एमके स्टॅलिन यांनी मुख्यमंत्री पलानीस्वामी किंवा उपमुख्यमंत्री ओ. पन्नीरसेल्वम यांच्यावर सुद्धा आयकर विभाग छापा टाकणार का, असा प्रश्नही यावेळी भर सभेत विचारला.

मागील काही दिवसांपूर्वी निवडणुकीच्या काळात पैशांचा बेकायदा वापर होत असल्याच्या संशयावरुन DMKचे खजिनदार दुमई मुरुगन यांच्या घरावर प्राप्तिकर विभागाने छापा टाकला होता. यावेळी त्यांच्याकडून दहा लाख रुपयांची रोक रक्कम जप्त करण्यात आली होती. याशिवाय, कर्नाटकातील काही नेत्यांच्या घरांवर सुद्धा एकाचवेळी आयकर विभागाने धाडी टाकल्या आहेत. लोकसभा निवडणुकांच्याआधी अशाप्रकारे कारवाई करुन सरकारी यंत्रणेचा केंद्र सरकार चुकीचा वापर करत असल्याचा गंभीर आरोप कुमारस्वामी यांनी केला आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.