Maharashtra Political Crisis | शिंदे गटातील 10 बंडखोर आमदार पवारांच्या संपर्कात | गुवाहाटीत धाकधूक वाढली

Eknath Shinde | एकनाथ शिंदे आणि आमदारांनी केलेल्या बंडानंतर राज्यात नवनव्या नाट्यमय घडामोडी घडत आहे. एकनाथ शिंदे यांच्याकडून शिवसेनेचे अधिकाधिक आमदार गळाला लावण्याचे प्रयत्न सुरू असतानाच शिवसेनेनं तब्बल १६ बंडखोर आमदारांचं सदस्यत्व रद्द करण्यासाठी पाऊल उचललं आहे. या आमदारांना नोटीस बजावण्याचा निर्णय विधानसभा उपाध्यक्षांनी घेतला असून, बंडखोर आमदारांच्या भूमिकेकडे लक्ष लागलं आहे.

एकनाथ शिंदे कशाची वाटतेय भीती :
सध्या शिवसेना बंडखोर आमदारांचा मुक्काम सध्या गुवाहाटीतील हॉटेलमध्ये आहे. तेथून बंडखोर आमदार पत्र आणि व्हिडीओतून भूमिका मांडण्याचा प्रयत्न करत आहे. दुसरीकडे एकनाथ शिंदे यांच्याकडून दोन तृतीयांशपेक्षा जास्त आमदार आपल्याकडे असल्याचा दावा केला जात. मात्र, अपेक्षित आमदार सोबत असूनही शिंदे यांच्याकडून कोणतंही पाऊल का उचललं जात नाही, अशी चर्चा होत आहे.

एकनाथ शिंदे यांच्याकडून ४० पेक्षा जास्त आमदार असल्याचा दावा केला जात असला, तरी मुंबईत परतल्यानंतर त्यातील आमदार फुटले, तर काय? अशी भीतीही त्यांना असल्याचं बोललं जात आहे. कारण, शिवसेनेकडूनही हॉटेलमध्ये असलेले आमदार संपर्कात असल्याचा दावा केला जात आहे.

10 बंडखोर आमदार पवारांच्या संपर्कात :
माध्यमांशी बोलताना संजय राऊत म्हणाले की, कालही शरद पवार आणि राष्ट्रवादीचे काही नेते मातोश्रीवर आले होते. त्यांच्यासमोर आम्हाला तिथून दहा आमदारांनी फोन केले होते. त्यांनी सर्व परिस्थिती सांगितली आहे. या फ्लोअर टेस्टला सामोरे जा. कुणात किती दम आहे ते कळेल. संजय राऊत हवेत बोलत नाहीत. जे उद्धव ठाकरे सांगतात तेच मी सांगतो. आमच्याकडे कोणती ताकद आहे हे मला माहीत आहे, असेही बोलताना संजय राऊत म्हणाले आहेत. हे 10 बंडखोर आमदार शरद पवार यांना नेमके काय बोलले आणि त्यांच्यामध्ये नेमकी काय चर्चा झाली, हे लवकर कळेल.

शिवसेनेच्या बैठकीत होणार निर्णय :
शिवसेना पक्षाच्या घटनेनुसार पक्षाचे नियुक्त्यांपासून निर्णय घेण्याचे अधिकार राष्ट्रीय कार्यकारणीने पक्षप्रमुखांना दिलेले आहेत. एकनाथ शिंदे यांच्याकडून शिवसेनेच्या विधिमंडळ पक्षावर दावा केला जाऊ शकतो, अशी चर्चा असून, आता एकनाथ शिंदेंसह बंडखोरांवर पक्षाच्या पातळीवर कारवाई करण्याच्या भूमिकेत शिवसेना दिसत आहे. आज शिवसेनेच्या राष्ट्रीय कार्यकारणीची बैठक बोलावण्यात आली असून, या बैठकीकडे शिवसैनिकांसह बंडखोर आमदारांचंही लक्ष असणार आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Maharashtra Political Crisis after Eknath Shinde rebel check details 25 June 2022.