श्रीनगर : जम्मू-काश्मीरमधील शोपियान जिल्ह्यात आज सकाळी सुरक्षा दलाच्या जवानांनी २ दहशतवाद्यांना यमसदनी धाडले आहे. भारतीय जवान आणि दहशतवाद्यांमध्ये दक्षिण काश्मीरमधील शोपियान जिल्ह्यात रेबन परिसरात मोठी चकमक झाली. उपलब्ध वृतानुसार, भारतीय लष्कर, एसओजी आणि सीआरपीएफनं संयुक्तपणे पार पाडलेल्या मोहीमत दहशतवाद्यांना कंठस्नान घालण्यात यश आले आहे.

दरम्यान, शोपियान परिसरात आतंकवादी लपून बसल्याची माहिती जवानांना त्यांच्या सूत्रांकडून मिळाली होती. यानंतर जवानांनी जोरदार शोधमोहीम राबवली. शोध मोहिमेदरम्यान लष्कराचे जवान आणि दहशतवाद्यांमध्ये तुंबळ चकमक उडाली. एका वरिष्ठ पोलीस अधिकाऱ्यानं दिलेल्या वृत्तानुसार, चकमकीनंतर घटनास्थळावरुन एक एके-४७ आणि पिस्तूल हस्तगत करण्यात आली आहे. तसेच, ठार करण्यात आलेल्या आतंकवाद्यांची ओळख सुद्धा पटली आहे. अलबदर नवाज आणि आदिल अशी ठार करण्यात आलेल्या आतंकवाद्यांची नावं आहेत.

at jammu kashmir shopian indian army encounter two terrorists