6 July 2020 4:23 AM
अँप डाउनलोड

सनी देओल प्रचारात गदर सिनेमाचे डायलॉग मारून गेला; नंतर फिरकलाच नाही

Gurudaspur, MP Sunny Deol, Bollywood Actor Sunny Deol

पठाणकोट: अभिनेते-खासदार सनी देओल बेपत्ता असल्याचे पोस्टर पठाणकोटमध्ये ठिकठिकाणी झळकले आहेत. मागील लोकसभा निवडणुकीत गुरुदासपूर मतदारसंघातून ते निवडून आले होते. मात्र, निवडून आल्यानंतर एकदाही ते मतदारसंघात दिसले नाहीत. त्यामुळं मतदारसंघातील लोकांनी तीव्र नाराजी व्यक्त करत, ते बेपत्ता असल्याचे पोस्टर लावले आहेत.

BhagyaVivah Marathi Matrimonial

मागील लोकसभा निवडणुकीत सनी देओल गुरुदासपूर मतदारसंघातून भाजपच्या तिकीटावर निवडून आले होते. लोकसभा निवडणुकीच्या प्रचारावेळी सनी देओल भाषणात केवळ गदर सिनेमाचे डायलॉग मारून गेला आणि निवडून देखील आला. मात्र त्यानंतर मात्र तो गुरुदासपूर मतदारसंघात फिरकला देखील नाही. त्यामुळे मतदारसंघात मतदार अत्यंत संतप्त झाल्याचं पाहायला मिळत आहे.

त्यामुळं मतदार प्रचंड नाराज झाला आहे. त्यांनी पठाणकोट रेल्वे स्थानकाच्या परिसरात सनी देओल बेपत्ता असल्याचे पोस्टर लावले आहेत. स्थानिकांच्या म्हणण्यानुसार, एका वर्षापूर्वी सनी देओल यांना निवडून दिले होते. ते मुंबईतील आहेत आणि येथील लोकांना ते विकासाच्या दिशेनं घेऊन जातील अशी अपेक्षा होती. याशिवाय ते विकासकामं करतील असंही वाटलं होतं. मोठमोठे प्रकल्प आणून बेरोजगारी कमी करण्यात मदत करतील. मात्र, निवडून आल्यानंतर त्यांनी एकदाही मतदारसंघाचा दौरा केला नाही. त्यामुळं आपली फसवणूक झाल्याची भावना स्थानिकांमध्ये आहे.

लोकसभा निवडणुकीच्या प्रचारावेळी गुरुदासपूर मतदारसंघात बोलताना मुख्यमंत्री अमरिंदरसिंग यांनी देखील मागील ५ वर्षांत मोदींनी दिलेल्या आश्वासनांपैकी पूर्ण करण्यात आलेलं एक तरी आश्वासन लोकांना सांगावं असं थेट आव्हान त्यांनी नरेंद्र मोदी यांना दिलं होतं. त्यानंतर, मोदींनी गुरुदासपूर येथे घेतलेल्या प्रचारसभेत उपस्थितांशी संवाद साधताना काँग्रेसवर टीका केली होती.

गुरुदासपूर येथील प्रचारसभेत बोलताना नरेंद्र मोदींनी म्हटलं होतं की, ‘देशातील इतर राज्यांप्रमाणे काँग्रेसने पंजाबमध्येही कर्जमाफीची घोषणा केली होती. परंतु, दीड वर्षांनी काय परिस्थिती आहे, ते सर्वांनाच चांगले माहीत आहे. राष्ट्रीय काँग्रेसने भूतकाळात अशा लोकांचं कर्ज माफ केलं होतं जे कधी शेतकरीच नव्हते. काँग्रेसने केवळ गरिबी हटवण्याच्या बहाण्याने अनेक दशकं देशाला लुटलं आणि आता सुद्धा कर्जमाफीच्या नावाने ते तेच करत आहेत’ अशी टीका केली होती.

 

Web Title:  BJP MP and Bollywood actor Sunny Deol Declared missing posters in Guarudaspur constituency in Punjab.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#BollywoodMovie(8)

संबंधित बातम्या

राहुन गेलेल्या बातम्या

x