CAA: अहमदाबादमध्ये उपद्रव्यांकडून थेट पोलिसांवर दगडफेक

अहमदाबाद: नागरिकत्व सुधारणा कायद्यावरून देशभरात उद्रेक झालेला असताना अनेक ठिकाणी पोलीस देखील हिंसाचाराचे लक्ष होतं आहेत. ईशान्य भारतानंतर उत्तर भारतात देखील हिंसक आंदोलनांनी उचल घेतल्यानंतर तीच धग आता पश्चिम भारतात देखील त्याचं लोन पसरल्याचं पाहायला मिळत आहे.

पश्चिम भारतातील महाराष्ट्र आणि गुजरात राज्यांमध्ये याचे पडसाद उमटण्यास सुरुवात झाली आहे. त्यात महाराष्ट्रात जरी शांततेत आंदोलनं सुरु असली तरी गुजरातमध्ये मात्र त्याला हिंसक वळण लागल्याचं पाहायला मिळत आहे. कारण, विरोधानं काही ठिकाणी हिंसक वळण घेतल्याचे प्रकार गुजरातमधील अहमदाबाद येथे घडल्याच समोर आलं आहे आणि त्याचे पडसाद देखील उमटण्याची शक्यात आहे.

आंदोलनाच्या नावाखाली हिंसक झालेल्या जमावाचा एक व्हिडीओ गुजरातमधील अहमदामधून समोर आला आहे. त्यानुसार आंदोलनानंतर काही पोलीस कर्मचारी परत जात असताना काही उपद्रव्यांनी त्यांना घेरत त्यांच्यावर तुफान दगडफेक केल्याची घटना गुरूवारी घडली. सदर व्हिडीओमध्ये पोलीस कर्मचारी स्वत:ला वाचवण्याचे खूप प्रयत्न करत असल्याचं या व्हिडीओमध्ये स्पष्ट दिसत आहे.

Ashish Bhatia, Police Commissioner, Ahmedabad on violence in Shah Alam area of the city: We have detained around 32 people, we are registering FIR. We are identifying others based on CCTV footage. 19 police personnel were injured in the incident. #CitizenshipAmendmentAct https://t.co/aioqj7vNbB pic.twitter.com/gQHVVh49Rs

— ANI (@ANI) December 19, 2019

अहमदाबादमधील शाह आलम परिसरात सदर घटना घडल्याचं समोर आलं आहे. यामध्ये अनेक स्थानिक पोलीस कर्मचारी जखमी झाले आहेत. या हिंसक आंदोलनानंतर अहमदाबादच्या पोलीस आयुक्तांनीही प्रतिक्रिया दिली. सदर प्रकरणी एकूण ३२ जणांना ताब्यात घेण्यात आलं असून त्यांच्याविरोधात एफआयआर दाखल करण्यात आला आहे. तसंच सीसीटीव्ही फुटेजच्या माध्यमातून हिंसक आंदोलन करणाऱ्यांची ओळख पटवली जात आहे. या घटनेत १९ पोलीस कर्मचारी जखमी झाले आहेत, अशी माहिती त्यांनी प्रसार माध्यमांना दिली आहे.

Web Title:  CAA Ahmadabad Gujarat Protesters Pelt Policemen with Stones.