#Metoo ची छाया क्रिकेटविश्वावर, BCCI सीईओंवर लैंगिक शोषणाचे आरोप

नवी दिल्ली : #Metoo ची छाया क्रिकेटविश्वावर पडली असून बीसीसीआयचे सीईओ जोहरी यांच्यावर आता गंभीर आरोप करण्यात आले आहेत. बीसीसीआयचे सीईओ जोहरी यांच्यावर एका महिला लेखिकेने लैंगिक शोषणाचे गंभीर आरोप केले आहेत. दरम्यान, या प्रकरणी सुप्रीम कोर्टाने नेमलेल्या प्रशासकीय समितीने जोहरी यांच्याकडे संबंधित महिलेले केलेल्या आरोपांवर स्पष्टीकरण मागितलं आहे.

त्या प्रशासकीय समितीने दिलेल्या लेखी निवेदनात म्हटलं आहे की,’आज समाज माध्यमांच्या माध्यमातून राहुल जोहरी यांच्यावर एका महिलेने लैंगिक शोषणाचा गंभीर आरोप केल्याचं समोर आलं आहे. परंतु जोहरी यांच्यावर करण्यात आलेले आरोप हे मागील नोकरीच्या संबंधित आहेत. तरी देखील हा #Metoo मोहिमेचा भाग आहे’.

राहुल जोहरी हे बीसीसीआयचे सीईओ म्हणून पदभार स्वीकारण्यापूर्वी डिस्कवरी नेटवर्क एशिया पॅसिफिकचे कार्यकारी उपाध्यक्ष आणि महाव्यवस्थापक म्हणून कार्यरत होते असं समजतं.

Committee of Administrators of the BCCI asks Rahul Johri to submit his explanation within a week over the sexual harassment allegations made against him. pic.twitter.com/lTqpQxUyu4

— ANI (@ANI) October 13, 2018