नरेंद्र मोदी हे भगवान शंकाराचे अवतार | त्यांनी देशाला कोरोनापासून वाचवलं - भाजपचे मंत्री

शिमला, १२ मार्च: काल देशात महाशिवरात्री सर्वत्र उत्साहात साजरी करण्यात आली. देशातील अनेक ठिकाणी मंदिरातही गर्दी झाल्याचं पाहायला मिळालं. हिमाचल प्रदेशातही मोठ्या उत्साहाने महाशिवरात्री निमित्ताने विविध कार्यक्रमांचं आयोजन करण्यात आलं होतं. शिमला येथील राम मंदिरामध्ये महाशिवरात्रीनिमित्त आयोजित करण्यात आलेल्या एका कार्यक्रमात हिमाचल प्रदेशमधील शहरविकास मंत्री असणाऱ्या सुरेश भारद्वाज यांनी पंतप्रधान नरेंद्र मोदी हे शंकर भगवानाचा अवतार असल्याचे धक्कादायक विधान केले. (Himachal Pradesh Urban Development Minister Suresh Bhardwaj has said that Prime Minister Narendra Modi is the Avatar of Lord Shiva)

२०१९ मध्ये जेव्हा लोकसभा निवडणुकीचे निकाल आले त्यापूर्वी मोदींनी दोन दिवस केदारनाथ येथील गुहेमध्ये ध्यान केलं होतं. त्यावेळी मोदींना भगवान शंकराचे वरदान मिळालं आणि कोरोनाच्या कालावधीमध्ये ज्या पद्धतीने मोदींनी या साथीच्या संकटाला तोंड दिलं आहे ते पाहता त्यांच्याकडे आता जागतिक स्तरावरील नेता म्हणून पाहिलं जाऊ लागलं असल्याचं देखील सांगितलं.

मोदींनी २०१९ च्या निवडणुकीच्या निकालाआधी दोन दिवस केदारनाथमध्ये घालवले. या काळात ते गुहेमध्ये ध्यान करत होते. त्यानंतर निवडणुकीत मोठा विजय मिळाला याचं आजच्या महाशिवरात्रीच्या दिवशी आपण सर्वांनी स्मरण केलं पाहिजे, असंही भारद्वाज म्हणाले. मोदी हे भगवान शंकाराचे रुप असल्यानेच त्यांनी देशाला करोनासारख्या संकटापासून वाचवलं, असं देखील भारद्वाज यांनी आपल्या भाषणात नमूद केल्याचं आऊटलूक इंडियाने दिलेल्या वृत्तात म्हटलं आहे.

लसीकरण मोहीम सुरु झाल्यानंतर मोदींची प्रतिमा अधिक मोठी झालीय. त्यामुळेच ते शिवाचा अवतार आहेत, असा दावा देखील भारद्वाज यांनी केलाय. इतकचं नाही तर मोदींनी कोरोनापासून देशाला वाचवलं हे सांगताना भारतामध्ये करोना मृत्यूदर कमी असण्यासाचे श्रेयही भारद्वाज यांनी मोदींनाच दिलं आहे. हिमाचल प्रदेशमधील मंडी जिल्ह्यामध्ये आजपासून आंतरराष्ट्रीय शिवरात्री मोहोत्सव सुरु होत आहे. मुख्यमंत्री जयराम ठाकुर यांच्या हस्ते या मोहोत्सवाचे उद्घाटन होणार आहे.

News English Summary: Himachal Pradesh Urban Development Minister Suresh Bhardwaj has said that Prime Minister Narendra Modi is the incarnation of Lord Shankar at a function organised on the occasion of Mahashivaratri at the Ram Temple in Shimla.

News English Title: Himachal Pradesh Minister said PM Naredra Modi is avatar of of Lord Shiva news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.