नवी दिल्ली : भारताचे ४६वे सरन्यायाधीश म्हणून रंजन गोगई यांची आज राष्ट्रपतींकडून नियुक्ती करण्यात आली आहे. न्यायाधीश रंजन गोगई ३ ऑक्टोबरपासून त्यांचा पदभार स्वीकारतील. आज गणेश चतुर्थीच्या मुहूर्तावर राष्ट्रपतींनी ही नियुक्ती केली आहे.

न्यायाधीश रंजन गोगई हे १७ नोव्हेंबर २०१९ रोजी निवृत्त होणार असल्याने त्यांना न्यालयाच्या सर्वोच्च पदावर विराजमान राहण्याचा १३ महिन्यांचा कालावधी मिळणार आहे. विद्यमान सरन्यायाधीश दिपक मिश्रा हे २ ऑक्टोबर रोजी निवृत्त होणार आहेत. त्यामुळे निवृत्त होण्यापूर्वी केंद्र सरकारने त्यांना त्यांच्या उत्तराधिकाऱ्याच्या नावाची अनुभवाच्या अनुषंगाने शिफारस करण्याची विनंती केली होती. त्यावेळी मिश्रा यांनीच गोगई यांच्या नावाची शिफारस केंद्र सरकारकडे केली होती. त्यालाच आज राष्ट्रपतींकडून हिरवा कंदील मिळाला आहे.

President of India has appointed Ranjan Gogai as a chief justice of India