अन्यथा फक्त अहमदाबादमध्ये कोरोना रुग्णांची संख्या ८ लाखांवर जाईल - मनपा आयुक्त

अहमदाबाद, २५ एप्रिल: देशात गेल्या २४ तासांत १ हजार ४२९ नव्या कोरोनाग्रस्त रुग्णांची नोंद झाली आहे तर ५७ जण मृत्युमुखी पडले आहेत. आरोग्य मंत्रालयानं शनिवारी सकाळी जाहीर केलेल्या आकडेवारीनुसार आता देशांत कोरोना विषाणू बाधितांचा आकडा हा २४ हजार ५०६ वर पोहोचला आहे. या आकडेवारीपैकी भारतात सध्या १८ हजार ६६८ रुग्ण हे कोरोनावर उपचार घेत आहेत तर ५ हजार ६३ लोक कोरोनाच्या संसर्गातून बरे झाले आहेत.

गुजरातच्या अहमदाबाद शहराला करोनानं घट्ट विळखा घातल्याचं चित्र दिसतंय. करोना व्हायरस संक्रमित व्यक्तींची संख्या इथं दिवसेंदिवस वाढत जाताना दिसतेय. याच दरम्यान अहमदाबाद मनपा आयुक्तांनी संपूर्ण शहरालाच हादरवून टाकणारी शक्यता व्यक्त केलीय. येत्या चार दिवसांत रुग्णांची संख्या दुप्पटीनं वाढणं थांबलं नाही तर मे महिन्याच्या शेवटपर्यंत शहरातील करोनाबाधित रुग्णांची संख्या ८ लाखांपर्यंत पोहचेल, असं अहमदाबादचे आयुक्त विजय नेहरा यांनी एका व्हिडिओ संदेशात म्हटलंय. यापूर्वीच अहमदाबादमध्ये सरकारी इस्पितळाच्या बाहेर कोरोना रुग्णांचे कसे हाल होतं आहेत ते समोर आलं आहे.

अहमदाबादमध्ये आत्तापर्यंत १,६३६ करोनाबाधित रुग्ण आढळले आहेत. यापैंकी ७५ रुग्णांना आपले प्राण गमवावे लागलेत तर १०५ जण करोनावर मात करण्यात यशस्वी ठरलेत, अशी माहिती नेहरा यांनी या व्हिडिओत दिलीय. ‘वर्तमानत अहमदाबादमध्ये प्रत्येक चार दिवसांनी रुग्णांची संख्या दुप्पट होताना दिसतेय. हीच परिस्थिती सुरू राहिली तर करोनाबाधितांची संख्या १५ मे पर्यंत ५०,००० आणि ३१ मेपर्यंत जवळपास आठ लाखांवर पोहचेल’ अशी चेतावणीही नेहरा यांनी दिलीय.

Shri Vijay Nehra IAS, Municipal Commissioner (Amdavad Municipal Corporation) is now LIVE. https://t.co/dnd9X9nUux

— Amdavad Municipal Corporation (@AmdavadAMC) April 24, 2020

News English Summary: Ahmedabad Municipal Commissioner has expressed the possibility of shaking the entire city. If the number of patients does not stop doubling in the next four days, the number of coronary heart disease patients in the city will reach 8 lakh by the end of May, Ahmedabad Commissioner Vijay Nehra said in a video message.

News English Title: Story there may be 8 lakh Covid 19 patients in Ahmedabad by the end of may says municipal commissioner Vijay Nehra News Latest Updates.