यूपीत कोरोनाने मृत्यूचं तांडव | तर भाजपला २०२२ मधील निवडणुकीची चिंता | योगी मंत्रिमंडळाचा विस्तार | मोदींच्या या विश्वासूला उपमुख्यमंत्री पद

लखनऊ, २७ मे | उत्तर प्रदेशात 2022 मध्ये होणाऱ्या विधानसभा निवडणुकीपूर्वी योगी सरकारच्या दुसर्‍या मंत्रिमंडळ विस्ताराची तयारी सुरू झाली आहे. दोन दिवसांपूर्वीच अमित शहा, नरेंद्र मोदी, जे पी नड्डा आणि आरएसएस’मध्ये निवडणुकीच्या अनुषंगाने महत्वाच्या बैठक पार पडल्या होत्या. त्यावेळी मुख्यमंत्र्यांच्या डोक्यावर मोदींचे खास माजी आयएएस अधिकारी एके शर्मा यांना उपमुख्यमंत्री पद देऊन उत्तर प्रदेशची धुरा त्यांच्याकडे दिली जाणार असून तेच २०२२ साठी तयारी सुरु करतील असे संकेत मिळाले आहेत.

मध्यप्रदेशचे सर्व कार्यक्रम रद्द करून राज्यपाल आनंदीबेन पटेल अचानक लखनऊला पोहोचल्या. राजभवनातही तयारी सुरू आहे, यामुळे 28 ते 29 मे दरम्यान योगी सरकारच्या दुसर्‍या मंत्रिमंडळाचा विस्तार होऊ शकतो असे सांगण्यात येत आहे. सूत्रांनी दिलेल्या माहितीनुसार, माजी IAS एके शर्मा उपमुख्यमंत्री होणार असल्याचे निश्चित आहे. यासोबतच केशव प्रसाद मौर्य यांच्याकडे उत्तर प्रदेश भाजपाची कमान सोपवून OBC चेहऱ्यासोबत भाजप निवडणुकीत उतरू शकतो.

19 मार्च 2017 रोजी योगी सरकारची स्थापना झाल्यानंतर 22 ऑगस्ट 2019 रोजी उत्तर प्रदेशच्या योगी सरकारने मंत्रिमंडळ विस्तार केला होता. त्यावेळी त्यांच्या मंत्रिमंडळात 56 सदस्य होते. कोरोनामुळे तीन मंत्र्यांचा मृत्यू झाला आहे. काही दिवसांपूर्वीच राज्यमंत्री विजय कुमार कश्यप यांचा मृत्यू झाला, तर मंत्री चेतन चौहान आणि मंत्री कमल राणी वरुण यांचा पहिल्या लाटेत मृत्यू झाला आहे. यूपीमध्ये कॅबिनेट मंत्र्यांची जास्तीत जास्त संख्या 60 पर्यंत असू शकते. पहिल्या मंत्रिमंडळ विस्तारामध्ये 6 स्वतंत्र प्रभारी मंत्र्यांनी कॅबिनेट मंत्री म्हणून शपथ घेतली होती. यात तीन नवीन चेहरे देखील होते.

News English Summary: After canceling all Madhya Pradesh events, Governor Anandiben Patel suddenly reached Lucknow. Preparations are also underway at the Raj Bhavan, which could lead to the expansion of the Yogi government’s second cabinet between May 28 and 29. According to sources, former IAS AK Sharma is all set to become the Deputy Chief Minister. Apart from this, BJP can contest the elections with OBC face by handing over the reins of Uttar Pradesh BJP to Keshav Prasad Maurya.

News English Title: Uttar Pradesh Assembly Election 2022 Yogi govt Cabinet expansion for 2022 assembly election news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.