जम्मू काश्मीर, २९ ऑगस्ट: मागील काही दिवसांपासून आंतरराष्ट्रीय सीमेवर पाकिस्तानी लष्कराकडून कुरापती सुरू असून, सातत्यानं शस्त्रसंधीचं उल्लंघन केलं जात आहे. सीमेपलीकडून वारंवार होत असलेल्या गोळीबारामुळे सीमा सुरक्षा दलाकडून घुसखोरीसाठी वापर करण्यात येणाऱ्या जमिनीतील भूयारी मार्गांचा शोध घेण्यासाठी विशेष मोहीम हाती घेण्यात आली होती. शोध घेत असताना जवानांना सीमेवर जमिनीत २५ फूट खोलीवर १५० मीटर लांबीचा बोगदा आढळून आला आहे. त्यामुळे घुसखोरीचा मोठा कट लष्करानं उधळून लावला आहे.

अधिकाऱ्यांनी दिलेल्या माहितीनुसार, जम्मूमधील सांबा सेक्टरमध्ये गुरुवारी गस्तीवर असणाऱ्या बीएसएफच्या जवानांना भुयार सापडले. हे भुयार जवळपास २० मीटर लांबीचे आहे. या भुयारात वाळूच्या प्लास्टिकच्या पिशव्या आढळल्या आहेत. यावर पाकिस्तानी शिक्के आहेत. दहशतवादी कारवायांसाठी आणि घुसखोरी करण्यासाठी हे खोदले असल्याचा अंदाज अधिकाऱ्यांनी वर्तविला आहे.

 

News English Summary: The Border Security Force on Saturday said it has detected a tunnel, originating from Pakistan, just beneath the Indo-Pakistan international border fence in Jammu.

News English Title: BSF Detects 25 Ft Deep Tunnel Near India Pak Border News Latest Updates.

सीमेवर घुसखोरीसाठी जमिनीखालून भूयारी मार्ग | सीमा सुरक्षा दलांनी डाव उधळला