12 April 2021 7:05 AM
अँप डाउनलोड
बातम्या फ्लॅश

चीन दगाबाजीच्या तयारीत? लडाख ते अरुणाचल प्रदेशपर्यंतच्या सीमेवर चीनची लढाऊ विमानं सज्ज

China India, Fighter Jets, ladakh

पेइचिंग, २२ जून : गेल्या आठवड्यात गलवान भागात भारत आणि चीनच्या जवानांमध्ये झटापट झाल्यानंतर सीमावर्ती भागातील हालचाली वाढल्या आहेत. मोदी सरकारनं लष्कराला फ्री हँड दिला आहे. त्यामुळे लष्कराला अधिकचे अधिकार मिळाले आहेत. लेहमध्ये मिग-२९ विमानं आणि अपाचे हेलिकॉप्टर्स तैनात करण्यात आली आहेत. यानंतर चिनी सैन्याकडूनही जोरदार हालचाली सुरू झाल्या आहेत. लडाखपासून ते अरुणाचल प्रदेशपर्यंतच्या सीमेवर चीननं लढाऊ विमानं सज्ज ठेवली आहेत.

BhagyaVivah Marathi Matrimonial

भारत-चीन दरम्यान प्रत्यक्ष नियंत्रण रेषेवर तणाव वाढल्यानंतर दोन्ही देशांनी आपले सैन्य अधिक सज्ज ठेवण्यावर भर दिला आहे. भारतीय हवाई दलाने मिग-२९ आणि अपाचे लढाऊ हेलिकॉप्टर सज्ज ठेवले आहेत. मात्र भारतीय सैनिकांची गस्त थांबवण्यासाठी पेंगाँग सो सरोवराजवल चीनने आक्रमकपणे देखरेख वाढवली आहे.

‘दि ट्रिब्युन’ने दिलेल्या वृत्तानुसार, चीनने भारताच्या सीमेलगत असलेल्या होटाना, नग्यारी, शिगात्से आणि नयिंगची या ठिकाणच्या हवाई तळावर अतिरिक्त लढाऊ विमाने, बॉम्बर आणि लढाऊ हेलिकॉप्टर तैनात केले आहेत. त्याशिवाय चीनच्या पीपल्स लिबरेशन आर्मीने अरुणाचल प्रदेशच्या सीमेवर आपल्या हालचाली वाढवल्या आहेत. पेगाँग सो सरोवराजवळ चीन प्रत्यक्ष नियंत्रण रेषा बदलण्याचा प्रयत्न करत आहे. त्याशिवाय चीनने गोगरा हॉट स्प्रिंगमध्ये मोठ्या प्रमाणावर सैन्य तैनात केले आहेत. चीनच्या या हालचालींमुळे भारताच्या देपसांग, मुर्गो, गलवान, हॉट स्प्रिंग, कोयूल, फुकचे आणि देमचोक या भागांमध्ये धोका वाढला आहे. त्याशिवाय दोन्ही देशांच्या वरिष्ठ लष्करी अधिकाऱ्यांमध्ये आज बैठक पार पडणार आहे. त्याआधी ६ जूनला देखील अशीच बैठक पार पडली होती.

चिनी सैन्यानं सीमावर्ती भागात असणाऱ्या हवाई तळांवर अतिरिक्त विमानं आणि हेलिकॉप्टर्स तैनाक केल्यानं भारताला असलेला धोका वाढला आहे. भारतीय हद्दीतील देपसांग, मुर्गो, गलवान, हॉट स्प्रिंग, कोयूल, फुकचे आणि देमचोक चीनपासून जवळ आहेत. चिनी सैन्याच्या हालचालींमुळे मोठं आव्हान निर्माण झालं आहे. या पार्श्वभूमीवर आज दोन्ही देशांच्या सैन्याचे कमांडर आज चर्चा करणार आहेत. याआधी ६ जूनला अशाच प्रकारची चर्चा झाली होती.

 

News English Summary: MiG-29 and Apache helicopters have been deployed in Leh. After this, there has been a strong movement from the Chinese army as well. China has deployed fighter jets along the border from Ladakh to Arunachal Pradesh.

News English Title: China has deployed fighter jets along the border from Ladakh to Arunachal Pradesh News Latest Updates.

हॅशटॅग्स

#IndiaChina(51)

संबंधित बातम्या

राहुन गेलेल्या बातम्या

x