जेनोआ : इटलीची राजधानी जेनोआ येथे आलेल्या जोरदार वादळाच्या तडाख्याने मोरांडी पूल कोसळला आहे. परंतु त्यामुळे पूलाखालील असलेल्या वाहनांचा अक्षरशः चक्काचूर झाला आहे. दुर्दैवाने या भयानक अपघातात तब्बल ३९ लोकांचा मृत्यू झाला आहे.

त्यानंतर उद्भवलेल्या परिस्थितीमुळे पंतप्रधान ज्यूसपे कॉन्टे यांनी १२ महिन्यांसाठी आणीबाणीची घोषणा केली आहे. तसेच या दुर्घटनेत मृत्य पावलेल्या लोकांसाठी जवळपास ४० कोटी रुपये देण्याची घोषणा केली आहे. त्यांनतर बचावकार्य सुद्धा जोरात सुरु असून परिस्थिती कशी आटोक्यात आणली जाईल याकडे प्रशासनाचे लक्ष आहे.

जिनोआमध्ये अनेक दिवसांपासून मुसळधार पाऊस बरसत आहे. त्यात मंगळवारी मुसळधार पावसाबरोबरच वादळाचा जोरदार तडाखा बसल्याने मोरांडी पुलाचा मोठा म्हणजे जवळजवळ ६०० फुटाचा भाग कोसळला. त्यात ३५ गाडय़ा आणि अनेक ट्रक ४५ मीटर खाली असलेल्या रेल्वे मार्गावर कोसळल्या, यात ३९ जणांचा दुर्दैवी मृत्यू झाला आहे. मोरांदी पुलाच्या देखरेखीची जबाबदारी ऑटोस्ट्रेड या कंपनीवर देण्यात आली होती. त्यामुळे या कंपनीची मान्यताही काढून घेण्यात येणार असून, पुलाची जबाबदारी असलेल्या ऑटोस्ट्रेड कंपनीला १५० दशलक्ष युरोचा दंड ठोठावण्यात आला आहे अशी घोषणा पंतप्रधानांनी केली आहे.

Italian Prime Minister Giuseppe Conte declared a 12-month state of emergency after a section of a motorway bridge recently collapsed in Genoa that claimed 39 lives