भारताचा इशारा नेपाळने धुडकावला, म्हणाले कालापानी प्रदेश आमच्याच नागरिकांचा

काठमांडू, ३० जुलै : भारताच्या कालापानी, लिंपियाधुरा आणि लिपुलेख या भागांवर नेपाळनं दावा केला होता. तसंच हे भाग आपल्या नकाशातही सामिल करण्याचा निर्णय नेपाळ सरकारनं घेतला होता. त्यानंतर दोन्ही देशांमध्ये तणावाचं वातावरण निर्माण झालं होतं. दरम्यान, स्थानिक माध्यमांमध्ये प्रकाशित झालेल्या वृत्तानुसार, या महिन्याच्या सुरूवातीला भारतीय अधिकाऱ्यांनी नेपाळच्या प्रशासनाला यासंदर्भात पत्र लिहिलं होतं. तसंच नेपाळी नागरिक अवैधरित्या या प्रदेशांमध्ये प्रवेश करत आहेत. यामुळे दोन्ही देशांसाठी त्रासदायक परिस्थितीत निर्माण होईल, असं त्यात नमूद करण्यात आलं होतं. परंतु यानंतर नेपाळनंही भारताला एक पत्र लिहित भारतीयांचा अवैधरित्या होणारी ये-जा थांबवा, असा इशारा भारतानं नेपाळला दिला आहे.

हिमालयीन टाईम्सने दिलेल्या वृत्तानुसार उत्तराखंडमधील पिथौरागड जिल्ह्यातील धारचुलाचे जिल्हा आयुक्त अनिल शुक्ला यांनी १४ जुलै रोजी लिहिलेल्या एका पत्रात नेपाळ प्रशासनाला अशा प्रकारची माहिती भारतीय अधिकाऱ्यांना पत्राद्वारे लिहिण्याची विनंती केली. “या महिन्याच्या सुरुवातीला भारताने नेपाळला त्यांच्या नागरिकांना अवैधरित्या लिम्पियाधुरा, लिपुलेख आणि कालापाणी या भागात घुसखोरी करण्यास थांबवावं असं आवाहन केले होते. या संबंधात धारचूला(उत्तराखंड)च्या उपजिल्हाधिकारी अनिल कुमार शुक्ला यांनी नेपाळ प्रशासनाला पत्र लिहिलं होतं. आता नेपाळने या पत्राला उत्तर दिलं आहे. नेपाळच्या धारचुला भागातील मुख्य जिल्हा अधिकारी शरद कुमार यांनी दावा केला केला आहे की, लिम्पियाधुरा, लिपुलेख आणि कालापाणी या नेपाळचा भाग आहे.

शरद कुमार यांनी पत्राला दिलेल्या उत्तरात लिहिलं आहे की, सुगौली करार, नकाशा आणि ऐतिहासिक पुरावे याआधारे लिम्पियाधुरा, लिपुलेख आणि कालापाणी हा नेपाळच्या कार्यक्षेत्रात येतो, त्यामुळे भारत या भागात नेपाळी लोकांच्या प्रवेशावर बंदी आणू शकत नाही. हा नेपाळचा भाग असल्याने या क्षेत्रात येणे-जाणे नेपाळी नागरिकांसाठी सर्वसामान्य आहे. यापूर्वी १४ जुलै रोजी भारतीय अधिकारी अनिल कुमार शुक्ला यांनी एका ईमेलच्या माध्यमातून नेपाळी लोकांना या भागात अवैधरित्या घुसखोरी करण्यापासून रोखावं असं नेपाळला सांगितले होते.

News English Summary: According to the Himalayan Times, Anil Shukla, the district commissioner of Dharchula in Pithoragarh district of Uttarakhand, in a letter dated July 14, had requested the Nepalese administration to write such information to the Indian authorities.

News English Title: Nepal government says Nepalese incursion Lipulekh Kalapani Limpiyadhura right News Latest updates.