19 January 2022 2:00 AM
अँप डाउनलोड

कथित स्वतंत्र हिंदू राष्ट्र स्थापल्यानंतर आता रिझर्व्ह बँक ऑफ कैलासची स्थापना | स्वामी नित्यानंद

Self Styled Godman Nithyananda, Reserve Bank Of Kailasa, Hindu Rashtra

नवी दिल्ली, १८ ऑगस्ट : बलात्काराच्या आरोपा नंतर देश सोडून गेलेला ‘स्वयंभू महाराज’ नित्यानंदने एका स्वतंत्र हिंदू देशाचा स्थापना केल्याचा कथित दावा केला होता. नित्यानंद जेव्हा देशापासून पळाला तेव्हापासून त्याचा शोध भारतातील पोलीस यंत्रणा घेत आहे. परंतु आता त्यांने एक कथित देश बनविला आहे असं समोर आलं होतं. जगातील कोणत्या कोपऱ्यात नेमका लपला आहे हे अद्याप माहित नसलं तरी नित्यानंद यांनी संबंधित देशाचे नाव ‘कैलासा’ ठेवले आहे.

२२ नोव्हेंबर रोजी गुजरात पोलिसांनी नित्यानंदच्या अहमदाबाद आश्रमात शोध मोहीम केली होती. मात्र तेथे काही विशेष वस्तू सापडल्या नव्हत्या. नित्यानंदने बनवलेल्या कैलासा देशाची “कैलासा.ऑर्ग” नावाने वेबसाइट देखील सुरु केली होती. संबंधित वेबसाइटवर असे लिहिले होते की, ‘कैलाशा हा एक देश आहे, जेथे हिंदूंसाठी कोणत्याही सीमा नाहीत. हा देश त्यांच्यासाठी आहे, ज्यांनी आपल्या देशात हिंदू होण्याचा हक्क गमावला आहे. ‘ इतकेच नाही तर अमेरिकेत कैलासा देशाची संकल्पना झाल्याचे वेबसाइटवर सांगण्यात आलं होतं. सनातन हिंदू धर्माचे रक्षण करण्यासाठी याची रचना केली गेली आहे. नित्यानंद यांचं या देशात स्वतःच सरकार आहे, ज्यात गृह विभाग असो की वित्त विभाग असो, अशी सर्वकाही तरतूद आहे असं म्हटलं होतं. धक्कादायक गोष्ट म्हणजे मोदी गुजरातचे मुख्यमंत्री असताना अनेकदा याच नित्यानंद महाराजांच्या आश्रमांमध्ये प्रमुख अतिथी म्हणून गेले आहेत.

मात्र आता ‘कैलास’ नावाचं स्वतंत्र हिंदूराष्ट्र स्थापन केल्याचा दावा करणाऱ्या नित्यानंदने या कथित राष्ट्राच्या शिखर बँकेची स्थापनाही केली आहे. या बँकेचं त्यानं ‘रिझर्व्ह बँक ऑफ कैलास’ असं नामकरणही केलं आहे. तसेच या गणेश चतुर्थीला तो या बँकेचं चलनही घोषित करणार आहे. यासंदर्भात नित्यानंदचा स्वतः माहिती देणारा एक व्हिडिओ समोर आला आहे.

मिरर नाऊच्या वृत्तानुसार, स्वामी नित्यानंदवर लहान मुलांना डांबून ठेवण्यासह इतर बलात्काराचे आरोप आहेत. त्याने ५० न्यायालयीन सुनावण्याही चुकवल्या आहेत. भारतातून तो फरार झाला असून इंटरपोलनं त्याला ब्ल्यू कॉर्नर नोटीसही बाजवली आहे. मात्र, अद्यापही तो मुक्तपणे वावरत असून भविष्यातील विविध योजना आखत आहे. बलात्कार प्रकरणाची अहमदाबादमधील नित्यानंदबाबतची सुनावणी करोनाच्या संकटामुळं थांबवण्यात आली होती. मात्र, आता पुढील सुनावणी याच महिन्यांत कर्नाटकमध्ये होणार आहे.

नित्यानंद आपल्या व्हिडिओमध्ये हे देखील सांगतो की, “३०० पानांची आर्थिक धोरणांसंबंधीची कागदपत्रे, चलन आणि त्याचा वापर याबाबत सर्वकाही तयार आहे. यासंदर्भात कैलास या देशासोबत यासंदर्भात सामंजस्य करार करण्यात आला असून आम्हाला ‘रिझर्व्ह बँक ऑफ कैलास’ स्थापन करण्याची परवानगी मिळाली आहे. त्यामुळे ही संस्था कायदेशीर असणार आहे.”

 

News English Summary: Self-styled godman & rape accused Nithyananda, in a video, announced that he has set up a bank called Reserve Bank of Kailasa and the currency will be announced on Ganesh Chathurthi. Nithyananda roams free despite being accused of sexual assault and has missed over 50 hearings so far. Earlier Nithyananda who is suspected to have fled the country dodging the security agencies, we found out that he has formed a new country – Kailaasa.

News English Title: Self Styled Godman Nithyananda Sets Up Reserve Bank Of Kailasa News Latest Updates.

हॅशटॅग्स

#GodmanNithyananda(1)

संबंधित बातम्या

राहुन गेलेल्या बातम्या

x