कोरोना व्हायरसवर हायड्रॉक्सीक्लोरोक्विन औषध प्रभावी नाही; अमेरिकेतील संशोधकांचा दावा

वॉशिंग्टन डीसी, १३ एप्रिल: सर्व जगभर कोरोनाने थैमान घातलं आहे. २०० पेक्षा जास्त देश कोरोनाच्या संकटाने त्रस्त आहेत. जगाची महासत्ता असलेला अमेरिका यात सर्वाधिक भरडला जातोय. अमेरिकेला प्रचंड मोठा फटका बसला असून कोरोना आटोक्यात येण्याची चिन्हे अजुनतरी दिसत नाहीत. कोरोनाविरुद्ध औषध शोधण्यात अमेरिकेने पूर्ण जोर लावला आहे.

दरम्यान, भारताने भूतान, बांगलादेश, अफगाणिस्तान, नेपाळ, म्यानमार, सेशेल्स, मॉरिशेस आणि अन्य आफ्रिकन देशांना औषधे पाठवली आहेत. मंगळवारी एअर इंडियाच्या विमानातून १० टन औषधे श्रीलंकेमध्ये पोहोचवण्यात आली. शेजारी देशांना पाठवलेल्या औषधांमध्ये पॅरासीटेमॉल आणि हायड्रोक्सी क्लोरोक्वाईनचा समावेश आहे. अमेरिका, स्पेन, ब्राझील, बहरीन, जर्मनी आणि यूके या देशांनी भारतीय औषध कंपन्यांबरोबर करार केले होते. Covid-19 वरील उपचारांसाठी या देशांना औषध निर्यात करण्यालाही भारत सरकारने मंजुरी दिली आहे.

मात्र अमेरिका व इतर देशांमध्ये मलेरियाच्या आजारावर वापरण्यात येणारे हायड्रॉक्सिक्लोरोक्विन औषधांची मागणी होत असताना फ्रान्समधील एका रुग्णालयाने या औषधाचा वापर थांबवला आहे. या औषधामुळे रुग्णांच्या हृदयावर परिणाम होत असल्यामुळे हा निर्णय घेण्यात आला आहे.

दरम्यान, अमेरिकेत एका संशोधनामध्ये Covid-19 वर हायड्रॉक्सीक्लोरोक्विन तितके प्रभावी ठरत नसल्याचे समोर आले आहे. हायड्रॉक्सीक्लोरोक्विन हे मूळचे मलेरियाविरोधी औषध आहे. टाइम्स ऑफ इंडियाने हे वृत्त दिले आहे. मलेरिया, संधिवात आणि लूपस हे ऑटो इम्युन आजार असलेल्या रुग्णांना हायड्रॉक्सीक्लोरोक्विनच्या गोळया दिल्या जातात. अमेरिकेत HCQ हे औषध घेऊनही मृत्यूदर कमी झालेला नाही. अमेरिकेच्या डेट्रॉइट शहरातील सिनाई ग्रेस आणि हेन्री फोर्ड रुग्णालयातील संशोधकांनी हा अभ्यास केला. HCQ कितपत प्रभावी आहे हे तपासण्यासाठी Covid-19 ची लागण झालेल्या ६३ रुग्णांची निवड करण्यात आली.

News English Summary: Hydroxychloroquine is not as effective as covid-19 in a US study. Hydroxychloroquine is an anti-malarial drug. This is reported by the Times of India. Hydroxychloroquine tablets are given to patients with autoimmune diseases such as malaria, arthritis and lupus. In the United States, with HCQ, the mortality rate has not decreased. The study was conducted by researchers at the Sinai Grace and Henry Ford hospitals in Detroit, USA. To test how effective HCQ was, 3 patients with Covid-19 infection were selected.

News English Title: Story hydroxychloroquine is not the magic drug for Covid 19 Corona Crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.