5 March 2021 4:11 AM
अँप डाउनलोड

सिंधुदुर्गात ७० पैकी ५५ ग्रामपंचायती भाजपने जिंकल्या |आमदार नितेश राणेंची माहिती

BJP MLA Nitesh Rane, Gram Panchayat Election

कणकवली, १८ जानेवारी: राज्यातील ग्रामपंचायत निवडणुकांचे निकाल आज जाहीर होत आहेत. १५ जानेवारी रोजी राज्यातील सुमारे १२ हजार ७११ ग्रामपंचायतींच्या निवडणुका पार पडल्या. या निवडणुकीसाठी सरासरी ७९ टक्के मतदान झाले. आज सकाळपासून या ग्रामपंचायत निवडणुकांचे निकाल जाहीर होत आहेत.

BhagyaVivah Marathi Matrimonial

कणकवली तालुक्यातील एकूण तीन ग्रामपंचायतींपैकी दोन शिवसेनेकडे तर एक भाजपकडे गेली आहे. तालुक्यातील भिरवंडे आणि गांधीनगर ग्रामपंचायत शिवसेनेकडे, तर तोंडवली-बावशी ग्रामपंचायत भाजपकडे गेलीय.

कणकवलीत निकाल जाहीर होताच राणेंना धक्का असल्याच्या बातम्या चालू लागल्यानंतर आमदार नितेश राणे यांनी प्रतिक्रिया देताना भारतीय जनता पक्षाने सर्वाधिक ग्रामपंचायती जिंकल्याचा दावा केलाय. नितेश राणेंना धक्का देणारा अजूनपर्यंत जन्माला आलेला नाही आणि येणार पण नाही, ७० पैकी ५५ ग्रामपंचायती आम्ही म्हणजेच भारतीय जनता पक्षाने जिंकल्या आहेत, असं नितेश राणे म्हणाले आहेत.

देवगड तालुक्यात 23 पैकी 18, वैभववाडी 12 पैकी 9 ग्रामपंचायतींवर भारतीय जनता पक्षाची सत्ता आली आहे. शिवसेनेकडे असलेल्या तोंडवली-बावशी, कुपवड़े, चिंदर, कोलगाव भारतीय जनता पक्षाने मिळविल्या आहेत. तर सावंतवाडी तालुक्यातील तळवडे ग्रामपंचायत दहा वर्षेनंतर भारतीय जनता पक्षाकडून हिसकावून घेण्यात शिवसेनेला यश आले आहे माजी राज्यमंत्री आमदार दीपक केसरकर यांची प्रतिष्ठा पणाला लागली होती.

सिंधुदुर्ग जिल्ह्यात प्रतिष्ठेची मानली जाणारी सावंतवाडी तालुक्यातील कोलगाव ग्रामपंचायत भारतीय जनता पक्षाने शिवसेनेकडून हिसकावून घेत माजी राज्यमंत्री आमदार दीपक केसरकर यांना जोरदार धक्का दिला आहे. जिल्ह्य़ातील सर्वात मोठी ग्रामपंचायत म्हणून कोलगाव कडे पाहिले जात होते.भारतीय जनता पक्षाचे जिल्हा चिटणीस महेश सारंग यांनी एकहाती वर्चस्व राखले आहे.

 

News English Summary: Reacting to the news that Rane was shocked when the results were announced in Kankavali, MLA Nitesh Rane claimed that the Bharatiya Janata Party had won the highest number of Gram Panchayats. The one who pushed Nitesh Rane has not been born yet and will come, but out of 70, we, the BJP, have won 55 Gram Panchayats, said Nitesh Rane.

News English Title: BJP MLA Nitesh Rane reaction over Gram Panchayat Election result news updates.

हॅशटॅग्स

#Nitesh Rane(78)

संबंधित बातम्या

राहुन गेलेल्या बातम्या

x