21 October 2019 4:06 PM
अँप डाउनलोड

बारामतीत भाजप मातीत; सुप्रिया सुळे विजयी तर कांचल कुल यांचा पराभव

Loksabha Election 2019, BJP, NCP, Kanchan Kul, Supriya Sule

बारामती : बारामती लोकसभा मतदारसंघावर विजय प्राप्त करण्याचं भाजप नेत्यांचं स्वप्न भंगलं असून या मतदारसंघात केवळ पवार कुटुंबीयच राज्य करतात हे पुन्हा सिद्ध झालं आहे. महसूल मंत्री चंद्रकांत पाटील आणि देवेंद्र फडणवीस बारामती लोकसभा मतदारसंघ जिंकण्यासाठी मोठं मोठ्या रणनीती आखात होते आणि त्यावर लक्ष देखील ठेऊन होते.

स्वतः महसूल मंत्री चंद्र्कांत पाटील, मंत्री गिरीश महाजन, देवेंद्र फडणवीस आणि विशेष म्हणजे स्वतः पंतप्रधान नरेंद्र मोदी देखील येथे अनेक सभा घेऊन गेले. मात्र भाजपच्या नेत्यांची ही सर्व स्वप्न केवळ स्वप्नच राहिली आहेत असं निकालानंतर समोर आलं आहे. राष्ट्रवादीचे नेते या विषयावरून महसूल मंत्री चंद्रकांत पाटील यांना घेरण्याची शक्यता आहे.

दरम्यान सुप्रिया सुळे यांनी लाखभर मतांची आघाडी घेतली असून भाजपच्या उमेदवार कांचल कुल पराभूत झाल्या आहेत. त्यामुळे बारामती लोकसभा मतदारसंघाचं नैतृत्व पुन्हा स्वतःची ओळख निर्माण करणाऱ्या खासदार सुप्रिया सुळेच करतील यांवर शिक्कामोर्तब झालं आहे.

संबंधित बातम्या

व्हिडिओ

राहुन गेलेल्या बातम्या