रोहिणी खडसेंना तिकीट देणं ही भाजपची खेळी | खडसेंचा दावा

जळगाव, २५ ऑक्टोबर: विधानसभा निवडणुकीच्या आधी भाजपाने माझं तिकिट कापलं, मी रोहिणीताईंसाठी तिकिट मागितलं नव्हतं. मात्र जाणीवपूर्वक त्यांना तिकिट दिलं गेलं. त्यानंतर त्यांना पाडण्यासाठी भाजपातल्याच काही गद्दारांनी काम केलं असाही आरोप राष्ट्रवादीचे नेते एकनाथ खडसे यांनी म्हटलं आहे. मुक्ताईनगरमध्ये राष्ट्रवादीचे नेते एकनाथ खडसे बोलत होते त्यावेळी त्यांनी हे वक्तव्य केलं आहे. पक्षांतर करा असं मला माझे कार्यकर्ते कायमच सांगत होते. तुम्ही अन्याय सहन करु नका, तुमचा अपमान होतो आहे तो तुम्ही सहन करु नका असं मला कार्यकर्ते सांगत होते. मात्र मी चाळीस वर्षे पक्षात होतो त्यामुळे पक्ष बदलण्याचा विचार नव्हता. मला विनाकारण मंत्रिपदावरुन हटवण्यात आलं.

‘भाजपने माझ्यावर अन्याय केला. मी भाजपला सोडचिठ्ठी द्यावी, ही कार्यकर्त्यांची भावना,’ असल्याचं एकनाथ खडसे यांनी म्हटलं आहे. राष्ट्रवादीत प्रवेश केल्यानंतर खडसे पहिल्यांदाच मुक्ताईनगरात आले असून त्याचं जंगी स्वागत करण्यात आलं. त्यावेळी त्यांनी कार्यकर्त्यांसोबत संवाद साधला.

‘माझा भाजपला विरोध नाही पण, भाजपमधील वाईट प्रवृत्तीविरोधात मी लढा दिला. मला मंत्रिपदावरून का काढलं हे अजूनही सांगू शकले नाही. कारण काय होतं ते ही त्यांना सांगता आलं नाही,’ असा आरोप करतानाच त्यांनी पुन्हा एकदा फडणवीसांवर तोफ डागली आहे. एका व्यक्तीमुळं माझं नुकसान झालं, असंही त्यांनी म्हटलं आहे.

News English Summary: ‘BJP did injustice to me. After I left BJP, the workers were happy. Today, I have literally transgressed. Giving tickets to Rohini Khadse was the BJP’s ploy. BJP’s Gaddar activists worked to bring down Rohini Khadse. I had given evidence about that to Chandrakant Patil ten months ago. However, no action was taken against them. It is obvious that someone is standing behind them.

News English Title: Eknath Khadse takes a dig at Devendra Fadnavis News Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.