12 April 2021 5:58 AM
अँप डाउनलोड
बातम्या फ्लॅश

नगरपालिका निवडणुकीच्या निमित्ताने राष्ट्रवादीची आ. शिवेंद्रराजेंना थेट ऑफर

NCP MLA Shashikant Shinde, BJP MLA Shivendra Raje Bhosale

सातारा, १६ फेब्रुवारी: साताऱ्यात सध्या नगरपालिका निवडणुकीमुळे राजकीय वातावरण चांगलंच तापलं आहे. भारतीय जनता पक्षाचे आमदार आमदार शिवेंद्रराजे भोसले आणि राष्ट्रवादीचे आमदार शशिकांत शिंदे यांच्यामध्ये आरोप-प्रत्यारोपाच्या फैरी झाडल्या जात आहे. नगरपालिका निवडणुकीत राष्ट्रवादीकडून पॅनेल उभं करण्यात आलं असून दीपक पवार या निवडणुकीचं नेतृत्व करतील असं शशिकांत शिंदे यांनी सांगितलं आहे. यामुळे भारतीय जनता पक्ष आणि राष्ट्रवादीमधील संघर्ष वाढण्याची चिन्हं आहेत. परंतु यावेळी राष्ट्रवादीकडून शिवेंद्रराजे भोसले यांना जाहीर ऑफर देण्यात आली आहे.

BhagyaVivah Marathi Matrimonial

प्रसारमाध्यमांशी बोलताना शशिकांत शिंदे यांनी राष्ट्रवादीत आल्यास नगरपालिका निवडणुकीचं नेतृत्व शिवेंद्रराजे भोसले यांच्याकडे देऊ असं जाहीर केलं आहे. नेतृत्व कोण करणार या पत्रकारांच्या प्रश्नावर बोलताना शशिकांत शिंदे यांनी, “शिवेंद्रराजे राष्ट्रवादीत आले तर ते करतील. नाही आले तर मी आणि दीपक पवार करु”, असं उत्तर दिलं. शशिकांत शिंदेंच्या या ऑफरवर शिवेंद्रराजे भोसले या काय उत्तर देतात हे मात्र आता पहावं लागणार आहे.

दुसऱ्याबाजूला शिवेंद्रराजे भोसले यांनी शशिकांत शिंदे यांना जाहीर धमकी दिलेली आहे. “माझी वाट लागली तरी चालेल, माझं सर्व संपलं तरी चालेल पण मी त्यांचं सर्व संपवल्याशिवाय शांत राहणार नाही,” अशा शब्दांत शिवेंद्रराजे भोसले यांनी आव्हान दिलं आहे. साताऱ्यातील जावळी येथे एका कार्यक्रमात ते बोलत होते.

शिवेंद्रराजे भोसले यांनी भाजपात प्रवेश केल्यानंतर राष्ट्रवादीचा गड राखण्यासाठी शशिकांत शिंदे प्रयत्न करत असून त्यातून राजकीय आरोप-प्रत्यारोप होताना दिसत आहेत. त्यातच शिवेंद्रराजे यांनी दिलेलं हे आव्हान राजकीय वर्तुळात चर्चेचा विषय ठरला आहे.

 

News English Summary: Speaking to the media, Shashikant Shinde has announced that if he joins the NCP, he will hand over the leadership of the municipal elections to Shivendra Raje Bhosale. Speaking to reporters, Shashikant Shinde said, “If Shivendra Raje joins the NCP, he will do it. If not, Deepak Pawar and I will do it ”, he replied. It remains to be seen how Shivendra Raje Bhosale responds to Shashikant Shinde’s offer.

News English Title: NCP MLA Shashikant Shinde gave offer to BJP MLA Shivendra Raje Bhosale news updates.

हॅशटॅग्स

#NCP(341)

संबंधित बातम्या

राहुन गेलेल्या बातम्या

x