17 April 2021 1:56 AM
अँप डाउनलोड
बातम्या फ्लॅश
कडक संचारबंदीत लोक शिवथाळी खायला जाणार कसे? | पण शिवथाळीसाठी गर्दी | राम कदम तोंडघशी Alert | हवेतून वेगाने पसरतो कोरोना, 3 देशांतील तज्ञांना याचा ठोस पुरावा सापडला - लँसेट जर्नल १९-२० एप्रिल नंतर रेमडेसिवीर इंजेक्शनचा पुरवठा सुरळीत होईल - डॉ. राजेंद्र शिंगणे Alert | एकूण रुग्णांपैकी 10% रुग्ण 11 ते 19 वयोगटातील तर 4.42% रुग्ण 10 वर्षांपेक्षा कमी वयाचे केंद्राची कोविड रणनीती, पहिला टप्पा लॉकडाउन, दुसरा टप्पा घंटी वाजवणे, तिसरा टप्पा देवाचे गुण गा प्रेतं जळत होती तेव्हा साहेब निवडणुकीत 'जुमलेबाजी' करत होते... इतिहास साक्ष देईल - काँग्रेस महाराष्ट्र एकीकरण समितीविरोधात प्रचार करून भाजप मराठी भाषिकांसोबत नाही हे सिद्ध झाले आहे
x

नाशिक: भीषण आगीमुळ लॉकडाउनदरम्यान अनेक कुटुंब बेघर

Corona Crisis, Lockdown, Nashik Slum Fire

नाशिक, २५ एप्रिल: नाशिकच्या भीमवाडी झोपटपट्टीला आज सकाळी अचानक भीषण आग लागली असून या आगीत २५ ते ३० झोपड्या जळून खाक झाल्या आहेत. आग लागल्यानंतर एकामागोमाग एक सात गॅस सिलिंडरचा स्फोट झाल्याने आगीने रौद्ररुप धारण केले. त्यामुळे एकच हाहाकार उडाला. आग आणि धुराचे लोळ पसरल्याने येथील रहिवाश्यांमध्ये एकच धावपळ उडाली. तब्बल दीड तासांपासून ही आग विझवण्याचे काम सुरू असून आग लवकर आटोक्यात येत नसल्याने येथील संतप्त रहिवाश्यांनी दोन अग्निशमन दलाच्या जवानांवर दगडफेक केल्याचे वृत्त आहे.

BhagyaVivah Marathi Matrimonial

दरम्यान, मात्र हाती आलेल्या ताज्या वृत्तानुसार यात झोपडपट्टीतील दोनशे घरे जळून खाक झाली आहेत. आगीची माहिती मिळताच अग्निशमन दलाने घटनास्थळी दाखल होत दोन तासांच्या अथक प्रयत्नांनी आग आटोक्यात आणली. सुदैवाने या दुर्घटनेत कोणतीही जीवित हानी झालेली नाही. मात्र लॉकडाउनच्या संकटामुळे अडचणीत असलेल्या येथील लोकांवर आता बेघर होण्याची वेळ आली आहे.

या आगीत स्थानिकांचे संसार उद्ध्वस्त झाले आहेत. केवळ अंगावरच्या कपड्यानिशी घराबाहेर पडल्याने या लोकांचा जीव वाचला आहे. या आगीत कोणतीही जीवितहानी झाली नसली तरी येथील नागरिकांचे संसार मात्र नेस्तानाबूत झाले आहेत. आगीत ज्यांची घरे जळून खाक झाली आहेत. त्या सर्वांची तात्पुरती बी. डी. भालेकर शाळेत निवाऱ्याची व्यवस्था करण्यात आली आहे. माणसांबरोबर येथील जनावरांनाही या आगीचा मोठा फटका बसला आहे. या आगीत एक गाय जखमी झाली आहे. तर आग लागल्यानंतर १४ गायी, ३० म्हशी आणि ७० बकऱ्या गोठ्यातून पळाल्या.

पीटीआयच्या वृत्तानुसार, सकाळी साडेनऊच्या सुमारास भद्रकाली परिसरातील भीमवाडी येथील सहकार नगरमध्ये आग लागली. दाट लोकवस्ती असल्यामुळे परिसरात आग वेगाने पसरली. घरातील सिलेंडर्सच्या स्फोटाने आग अधिक वाढली. परिणामी जवळपास २०० घरे जळून खाक झाली. या आगीत जनावरे जखमी झाले असल्याचे समजते. दरम्यान आग आटोक्यात आणताना अग्नीशमन दलातील काही जवान किरकोळ जखमी झाले आहेत. जखमी जवानांवर रुग्णालयात उपचार सुरु आहेत.

 

News English Summary: A huge fire broke out in Bhimwadi slum of Nashik this morning and 25 to 30 huts have been burnt to ashes. After the fire broke out, one of the seven gas cylinders exploded in a row and the fire spread like wildfire. So there was only one wail. The fire and smoke billowed, causing a single stampede among the residents.

News English Title: Over 200 shanties gutted in major fire that broke out at slum in Nashik Maharashtra during corona crisis lockdown.

हॅशटॅग्स

#CoronaCrisis(1278)

संबंधित बातम्या

राहुन गेलेल्या बातम्या

x