व्यवस्थित माहिती मिळवून अग्रलेख लिखाण असावं - बाळासाहेब थोरात

मुंबई, १६ जून : ‘खाट कितीही कुरकुरली तरी कुणी चिंता करु नये’, अशा शब्दात शिवसेनेचे मुखपत्र असलेल्या ‘सामना’च्या अग्रलेखातून काँग्रेसच्या नाराजीनाट्यावर निशाणा साधण्यात आला आहे. यावर काँग्रेसचे प्रदेशाध्यक्ष बाळासाहेब थोरात यांनी प्रतिक्रिया दिली. ‘आम्ही आघाडीसोबत आहोत. उद्धव ठाकरेंसमोर भूमिका मांडू. आमचे मुद्दे जनतेच्या हिताचे आहेत’, असे त्यांनी म्हटले. त्याचबरोबर सामनाच्या अग्रलेखाबाबत बोलताना ‘व्यवस्थित माहिती मिळवून लिखाण असावं’, असे म्हणत ‘मुख्यमंत्र्यांची भेट झाल्यानंतर चांगला अग्रलेख येईल’, असेही त्यांनी सांगितले.

तसेच ‘कोणत्याही बदलासाठी आम्ही आग्रही नाही आहोत. राज्यातील जनतेच्या हितासाठी निर्णय घ्यावेत अशी आमची इच्छा आहे. खाटेचं किमान ऐकूण तरी घ्यावं. त्याने शंकेचं निरसन तरी होईल’, असे थोरात म्हणाले. दरम्यान, प्रशासनातील अधिकाऱ्यांवरुन काँग्रेसमध्ये नाराजी असल्याची चर्चा आहे. यासंदर्भात आज बाळासाहेब थोरात आणि अशोक चव्हाण मुख्यमंत्र्यांची भेट घेणार आहेत. याआधी बाळासाहेब थोरात यांनी पत्रकारांशी संवाद साधला.

विधान परिषदेच्या १२ जागांच्या पार्श्वभूमीवर काँग्रेस नेते समान जागा वाटपांसाठी मुख्यमंत्री उद्धव ठाकरे यांची भेट घेणार असल्याचं म्हटले जात होते. त्यावरून शिवसेनेनं काँग्रेसवर टीका केली आहे. काँग्रेस पक्षाचेही बरे सुरु आहे, पण जुनी खाट जरा अधूनमधून जास्त कुरकुरते. खाट जुनी आहे, पण या खाटेला ऐतिहासिक वारसा आहे. या जुन्या खाटेवर कूस बदलणारेही बरेच आहेत. त्यामुळे हे कुरकुरणे जाणवू लागले आहे. आघाडीच्या सरकारात अधूनमधून असे कुरकुरणे सहन करण्याची तयारी मुख्यमंत्री ठाकरे यांनी ठेवली पाहिजे, असं म्हणत शिवसेनेनं काँग्रेसला टोला हाणला आहे. यावरुन बाळासाहेब थोरात यांनी आधी पूर्ण माहिती करुन घेतली पाहिजे होते. नंतर अग्रलेख लिहायला हवा होता, असे म्हणत शिवसेनाला जोरदार टोला लगावला आहे.

News English Summary: Let’s play a role in front of Uddhav Thackeray. Our issues are in the public interest, “he said. He also said that the headline of the match should be written after getting proper information, adding that a good headline will come after the meeting with the Chief Minister.

News English Title: Saamana Newspaper congress and Shivsena should be written with information Minister Balasaheb Thorat News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.