4 December 2020 7:30 PM
अँप डाउनलोड

औरंगाबाद शिवसेनेतील मोठ्या पदाधिकाऱ्यांचा सेनेला जय महाराष्ट्र | मनसेत जाहीर प्रवेश

ShivSena workers, Aurangabad, Joined MNS

पुणे, ३१ ऑगस्ट : कोरोनाच्या ब्रेकनंतर महाराष्ट्र नवनिर्माण सेना अध्यक्ष राज ठाकरे पुन्हा एकदा अॅक्टिव्ह झाल्याचं दिसत आहे. राज ठाकरे यांनी कार्यकर्त्यांच्या गाठीभेठी घेण्यास सुरूवात केली आहे. विशेष म्हणजे राज यांनी औरंगाबादेत शिवसेना दे-धक्का दिला आहे. औरंगाबाद शिवसेनेत उपशहर प्रमुख, जिल्हा संघटक अशी पदे भूषवलेल्या सात बड्या शिवसैनिकांनी मनसेत प्रवेश केला आहे.

BhagyaVivah Marathi Matrimonial

औरंगाबादेतील शिवसेना आणि पतित पावन संघटनेच्या कार्यकर्त्यांनी राज ठाकरे यांच्या उपस्थितीत पुण्यात मनसेत प्रवेश केला. औरंगाबाद महापालिकेच्या निवडणुकीच्या पार्श्वभूमीवर मनसेनं शिवसेनेचे माजी खासदार आणि गटनेते चंद्रकांत खैरे यांना धक्का दिला आहे. औरंगाबाद महापालिका निवडणुकांचे बिगुल कधीही वाजण्याची शक्यता आहे. या निवडणुकीच्या पार्श्वभूमीवर मनसेने कबंर कसली आहे.

शिवसेनेचे माजी खासदार चंद्रकांत खैरे यांचे निकटवर्तीय समजले जाणारे सिडको हडको भागात प्राबल्य असणारे राजू खरे, भाजपाचे माजी नगरसेवक नामदेव बेंद्रे,शिवसेना माजी उपशहर प्रमुख व पतित पावन संघटनेचे अध्यक्ष पै.प्रविण कडपें, जिल्हा संघटक अंकुश क्षीरसागर, कार्याध्यक्ष राजू परळीकर व शिवसेनेचे प्रशांत जोशी,रमेश मोदाणी, अरविंद जाधव यांच्यासह अनेकांनी राज ठाकरेंच्या उपस्थितीत प्रवेश केला आहे, अशी माहिती औरंगबादचे जिल्हाध्यक्ष सुहास दशरथे यांनी दिली.

दरम्यान, देशासह राज्यात कोरोनाचा प्रादुर्भाव दिवसेंदिवस वाढत आहे. कोरोना रुग्णांची वाढती संख्या पाहता गेल्या तीन महिन्यांआधीच राज्यातील महापालिकेच्या निवडणूका पुढे ढकलण्याचा निर्णय घेण्यात आला आहे. मात्र कोरनाचा प्रादुर्भाव कमी होताच महापालिकेच्या निवडणूका घेतल्या जाईल, अशी शक्यता वर्तविण्यात येत आहे.

 

News English Summary: Raj Thackeray has started meeting party activists. What is special is that Raj Thackeray has given a push to Shiv Sena in Aurangabad. In Aurangabad Shiv Sena, seven big Shiv Sainiks who have held the posts of Deputy City Chief, District Organizer have joined MNS.

News English Title: Shiv Sena workers from Aurangabad have joined MNS today News Latest Updates.

हॅशटॅग्स

#Shivsena(985)

संबंधित बातम्या

राहुन गेलेल्या बातम्या

x