4 July 2020 1:26 AM
अँप डाउनलोड

अल्पवयीन मुलीवर सामूहिक बलात्कार; १० जणांवर गुन्हा दाखल

Solhapur Gang rape

सोलापूर: हिंगणघाट जळीत प्रकरणाच्या धक्क्यातून महाराष्ट्र सावरला नसतानाच सोलापूर इथं एक भयंकर प्रकार समोर आला आहे. सोलापुरातील विजापूर नाका परिसरात एका अल्पवयीन कॉलेज तरुणीवर सामूहिक बलात्कार झाला आहे. या प्रकरणी दहा जणांवर गुन्हा दाखल करण्यात आला असून ५ संशयितांना अटक करण्यात आली आहे. इतरांचा शोध सुरू आहे.

महाराष्ट्रनामा अँप डाउनलोड - कोविड - १९ डॅशबोर्ड

मिळालेल्या माहितीनुसार, पीडित मुलगी महाविद्यालयात शिक्षण घेते. पोलीस ठाण्याच्या हद्दीतील एका मंदिराजवळ ती रडत बसली असताना एका नागरिकाने पोलिसांना यासंबंधी माहिती दिली. पोलिसांनी मुलीची चौकशी केली असता ही धक्कादायक घटना उघडकीस आली. मुलीवर जबरदस्ती करत लैंगिक अत्याचार करण्यात येत होते. जुलै महिन्यापासून हा प्रकार सुरु होता. १० जणांनी आळीपाळीने तिच्यावर लैंगिक अत्याचार केले असल्याचं मुलीच्या चौकशीतून समोर आलं.

अल्पवयीन मुलगी जून महिन्यापासून रिक्षाने कॉलेजला येत होती. नेहमीच्या जाण्या-येण्यातून एकेदिवशी त्याने अज्ञात स्थळी नेऊन तिच्यावर अत्याचार केला. काही दिवसांनंतर दुसऱ्या एका रिक्षाचालकाने तिच्यासोबत असाच प्रकार केला. तिसºया रिक्षाचालकानेही असाच प्रकार केला. परंतु, काही दिवसांनंतर त्याने त्याच्यासोबतच्या ४ ते ५ मित्रांसमवेत अळीपाळीने अत्याचार केला होता. दीड महिन्यापूर्वी तिच्यावर निर्जन ठिकाणी सामूहिक अत्याचार झाला होता.

दरम्यान, तिच्यावर वारंवार वेगवेगळ्या ठिकाणी अत्याचार झाल्याचे मुलीने पोलिसांना सांगितले. पोलिसांनी अत्याचार करणाºयांची माहिती घेऊन शोध घेतला. माहिती मिळालेल्या आरोपींपैकी पाच जणांना पोलिसांनी अटक केली आहे. दहा जणांविरुद्ध बाललैंगिक अत्याचार कलम ४, ६, ८ १0, भादंवि कलम ३७६-ड आणि अ‍ॅट्रॉसिटीचा गुन्हा दाखल झाला आहे. तपास सहायक पोलीस आयुक्त प्रीती टिपरे करीत आहेत.

 

Web Title: Solhapur 5 arrested after Gang rape on minor college girl.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#Maharashtra(138)

संबंधित बातम्या

राहुन गेलेल्या बातम्या

x