औरंगाबाद: पैठणमधील कार्यकर्ता मेळाव्यात घोषणाबाजी करत गोंधळ घालणाऱ्या राडेबाज कार्यकर्त्यांना राष्ट्रवादीच्या खासदार सुप्रिया सुळे यांनी चांगलीच दमबाजी केली आहे. ‘माझ्या बापाने रक्त आटवून पक्ष उभा केला आहे. पक्षाला बदनाम कराल तर गाठ माझ्याशी आहे,’ अशा शब्दात सुळे यांनी या गोंधळी कार्यकर्त्यांना दम भरल्याचं सूत्रांनी सांगितलं.
राष्ट्रवादीच्या खासदार सुप्रिया सुळे यांच्या कार्यक्रमात राडा झाला. दत्ता गोर्डे आणि संजय वाकचौरे या दोहोंच्या कार्यकर्त्यांमध्ये राडा झाला. औरंगाबादमधल्या पैठणमध्ये ही घटना घडली. यामुळे काही काळासाठी सुप्रिया सुळे यांना कार्यक्रम थांबवावा लागला. सुप्रिया सुळे या कार्यकर्त्यांना शांत राहण्याचं आवाहन करत होत्या. मात्र काही काळासाठी हा राडा झाला.
सुप्रिया सुळे या दोन दिवस औरंगाबाद दौऱ्यावर आहेत. त्यांच्या दौऱ्यादरम्यान राष्ट्रवादी काँग्रेस कार्यकर्त्यांकडून विविध कार्यक्रम, मेळावे आदींचे आयोजन केले आहे. सुप्रिया सुळेही या कार्यक्रमाला हजेरी लावताना दिसत आहेत. दरम्यान, आज औरंगाबाद येथील पैठण येथे त्या एका कार्यक्रमासाठी उपस्थित होत्या. या कार्यक्रमावेळीच संजय गोर्डे आणि धनंजय वाकचौरे यांचा गट आमनेसामने आला.
Web Title: Story Ruckus in NCP MP Supriya Sules Aurangabad Party Program.
