PAN Card Income Tax Alert | आयकर विभागाने पॅन कार्डधारकांना तातडीची नोटीस बजावत पॅन-आधार लिंक बंधनकारक करण्यात आल्याचे म्हटले आहे. प्राप्तिकर विभागाने म्हटले आहे की, 1 एप्रिलपासून पॅन कार्ड निष्क्रिय होतील, त्यामुळे जर पॅनधारकांनी निर्धारित मुदतीत पॅन कार्ड लिंक केले नाही तर त्यांना मोठ्या नुकसानीला सामोरे जावे लागू शकते. तसेच निष्क्रिय पॅन वापरल्यास 10 हजार रुपयांचा दंडही आकारला जाऊ शकतो.
आयकर विभागाने पॅन कार्डधारकांना उशीर न करता आपले पॅन आधारशी लिंक करण्यास सांगितले आहे. प्राप्तिकर कायदा, 1961 नुसार, सर्व पॅनधारक जे सवलतीच्या श्रेणीत येत नाहीत, त्यांनी 31 मार्च 2023 पूर्वी आपला पॅन क्रमांक आधार क्रमांकाशी लिंक करणे आवश्यक आहे.
1 एप्रिलपासून पॅन डिअॅक्टिव्हेट होणार
आयकर विभागाने म्हटले आहे की, जर पॅन कार्ड आधारशी लिंक नसेल तर 1 एप्रिल 2023 पासून आयकर कायद्याच्या कलम 139 एए अंतर्गत तुमचे पॅन रद्द केले जाईल. यानंतर पॅन कार्डचा वापर होणार नाही.
निष्क्रिय पॅन वापरल्यास १० हजारांचा दंड
प्राप्तिकर कायद्यानुसार निष्क्रिय पॅनकार्ड वापरल्यास १० हजार रुपयांचा दंड ठोठावण्याची तरतूद आहे. त्यामुळे ज्यांच्याकडे पॅन कार्ड आहे आणि आयकराने दिलेल्या सवलतीसाठी पात्र नाहीत, त्यांना 31 मार्च 2023 पूर्वी ते लिंक करावे लागणार आहे.
आता विलंब शुल्क भरून लिंक करा
प्राप्तिकर विभागाने दिलेल्या माहितीनुसार, 1 जुलै 2022 पर्यंत पॅन आणि आधार लिंक करण्याची प्रक्रिया मोफत आहे. मात्र, जुलैनंतर पॅन लिंक करण्याची मुदत ३१ मार्च २०२३ पर्यंत वाढविण्यात आली असून त्यासाठी पॅनधारकांना एक हजार रुपये विलंब शुल्क भरावे लागणार आहे.
पॅन-आधार लिंक कसे करावे?
* पॅन आणि आधार लिंक करण्याची ऑनलाइन प्रक्रिया अगदी सोपी आहे आणि ती कमी वेळात केली जाते. जाणून घेऊया टप्प्याटप्प्याने ऑनलाइन लिंक करण्याची प्रक्रिया.
* पॅनकार्डधारक सर्वप्रथम आयकर विभागाच्या ई-फायलिंग वेबसाइटवर (www.incometaxindiaefiling.gov.in) क्लिक करा.
* यानंतर वेबसाइटवर स्वत:ची नोंदणी करा. यहां पैन नंबर आपका यूजर आईडी होगा।
* आता युजर आयडी, पासवर्ड आणि जन्मतारीख टाकून लॉगिन करा.
* वेबसाईटवर तुम्हाला ‘लिंक आधार’ हा पर्याय दिसेल, त्यावर क्लिक करा.
* यानंतर तुमच्या अकाऊंटच्या प्रोफाईल सेटिंगमध्ये जा.
* प्रोफाईल सेटिंगमध्ये आधार कार्ड लिंक करण्याचा पर्याय दिसेल, तो सिलेक्ट करा.
* यानंतर तुमचा आधार नंबर आणि कॅप्चा कोड टाका.
* आता खाली दिलेल्या ‘लिंक आधार’ पर्यायावर क्लिक करा.
* ही प्रक्रिया पूर्ण केल्यानंतर तुमचे पॅन कार्ड आधारशी लिंक केले जाईल.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
