भरधाव कारच्या धडकेने तरुणीचा जागीच मृत्यू; मुंबई चुनाभट्टी येथील घटना

मुंबई: काल रात्री एका भरधाव कारने धडक दिल्याने तरुणीचा मृत्यू झाल्याने चुनाभट्टी परिसरात जनक्षोभ उसळला आहे. कारमध्ये एकूण ४ तरुण होते आणि ते मद्यधुंद अवस्थेत असल्याचे सांगितले जात आहे. मद्यधुंद अवस्थेत असल्याने कारवरील ताबा सुटल्याने त्यांनी रस्त्यालगत चालणाऱ्या तरूणीला धडक दिली. याच तिचा मृत्यू झाला. अर्चना पारठे असे मृत तरुणीचे नाव आहे.

चुनाभट्टी येथील धावजी मार्गावरून रात्री ठीक ८.४५ वाजण्याच्या सुमारास एमएच ०५ बीजे ३९२० क्रमांकाची असलेली कार दत्त मंदिर जवळून व्ही. एन. पूरव मार्गावर जात होती. या कारमधील मद्यधुंद चालकाने बाजारात खरेदी करुन घरी चालत जाणाऱ्या दोन मुली व एका महिलेला धडक दिली. त्यामध्ये अर्चना पारठे या मुलीला चालकाने स्वदेशी मिल चाळ नंबर ११३ येथे फरफटत नेत गाडीखाली चिरडले. त्यात तिचा जागीच मृत्यू झाला, तर बाजूने जाणाऱ्या दोन महिलाही जखमी झाल्या.

शनिवारी सकाळपासूनच मयत तरूणीच्या नातेवाईकांनी चुनाभट्टी पोलीस ठाण्याबाहेर ठिय्या केला आहे. तर, या प्रकरणी दोन जणांना अटक करण्यात आली असल्याचेही पोलीस सांगत आहेत. याप्रकरणी गु.र.क्र. ३१५/१९ कलम ३०४(२), २७९, ३४ भा.दं.वि. सह १५४, १८५,१८८, १३४ (अ), (ब) मोटार वाहन कायदा अन्वये गुन्हा दाखल करण्यात आला आहे. मात्र जो पर्यंत आरोपींना शिक्षा होत नाही तोपर्यंत मुलीचा मृतदेह ताब्यात घेणार नाही, अशी भूमिका मुलीच्या नातेवाईकांनी व्यक्त केली आहे.

Archana Parte Female Hit and Run Alcoholic Driver Young Girl Death in Chunabhatti Police Station Area

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.