ब्रँड राज ठाकरे | कोळी महिलांची समस्या २४ तासात मार्गी | बेकायदा मासेविक्रेते पसार

मुंबई, ६ ऑक्टोबर : डोंगरी येथील कोळी महिला काल महाराष्ट्र नवनिर्माण सेनेचे अध्यक्ष राज ठाकरे यांना भेटण्यासाठी कृष्णकुंज येथे आल्या होत्या. डोंगरी मार्केटमध्ये बेकायदा मासेविक्रेत्यांनी अतिक्रमण केलं असून हे अतिक्रम हटवण्याची मागणी या महिलांनी राज ठाकरे यांच्यापुढे यावेळी मांडली होती.

कोणतीही वेळ न घेता या महिला राज ठाकरे यांना भेटण्यासाठी आल्या होत्या. परंतु तरीदेखील राज ठाकरे त्यांना भेटण्यासाठी कृष्णकुंजबाहेर आले. यावेळी राज यांनी कोळी महिलांच्या शिष्टमंडळाची भेट घेतली होती. त्यांची मागणी ऐकूण घेतली. या कोळी भगिनींची समस्या महत्त्वाची असल्याने त्या वेळ घेऊन आल्या नसल्या तरी राज यांनी त्यांची भेट घेतली होती.

यानंतर राज ठाकरे यांनी कोळी भगिनींची तक्रार ऐकून घेतली व हा प्रश्न मार्गी लावण्याचं आश्वासन दिलं होतं. यानंतर मनसेच्या स्थानिक विभागाध्यक्ष संजय नाईक यांनी २४ तासांतच बेकायदा मासेविक्री करणाऱ्या मुजोरांना दणका दिला आहे. याबाबतची माहित मनसेच्या अधिकृत ट्विटर हँडलवरुन देण्यात आली आहे.

‘राजसाहेब, अनधिकृत मासेविक्रेत्यांपासून आम्हाला त्रास होतोय. त्यांचा बंदोबस्त करा’, कृष्णकुंजवर येऊन कोळी भगिनींनी राजसाहेबांकडे मदत मागितली आणि स्थानिक मनसे विभागाध्यक्ष संजय नाईक ह्यांनी २४ तासात त्या बेकायदा मासेविक्री करणाऱ्या मुजोरांना #मनसेदणका दिला. #आपलीमुंबई https://t.co/856h02igNo pic.twitter.com/tVdL5FT7jl

— MNS Adhikrut – मनसे अधिकृत (@mnsadhikrut) October 6, 2020

News English Summary: Raj Thackeray had listened to the complaints of the Koli community women and had promised to resolve the issue. After this, MNS local division president Sanjay Naik has cracked down on illegal fish sellers within 24 hours. This information has been given from the official Twitter handle of MNS.

News English Title: Koli women raise issues before MNS Chief Raj Thackeray Within 24 hours the MNS hit the foreigners Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.