सुशांत आत्महत्या : बिहार पोलीस तपास अधिकारी मुंबई पालिकेकडून होम क्वारंटाईन

मुंबई, ३ जुलै : अभिनेता सुशांत सिंह राजपूत आत्महत्येप्रकरणी चौकशी करण्यासाठी मुंबईत आलेल्या पटणाचे एसपी विनय तिवारी यांना १५ ऑगस्टपर्यंत क्वारंटाईन करण्यात आलंय. त्यामुळे तिवारी यांना मुंबईतली पहीली रात्र गोरेगावच्या एसआरपीएफ कॅम्प घालवावी लागली. तिवारी यांना क्वारंटाईन केल्यानंतर बिहार पोलिसांकडून नाराजी व्यक्त करण्यात आली आहे. आमचा तपास रोखण्यासाठी एसपी विनय तिवारींना होम क्वारंटाईन नव्हे तर हाऊस अरेस्ट केल्याचे बिहार पोलिसांचे म्हणणे आहे. बिहार पोलिसांचा तपास रोखण्यासाठी हे जाणिवपूर्वक पाऊल उचलल्याचे त्यांचे म्हणणे आहे.

“बिहार पोलीस पथकाचे नेतृत्व करण्यासाठी आयपीएस अधिकारी विनय तिवारी रविवारी मुंबईत दाखल झाले. पण रात्री ११ वाजता मुंबई महापालिका अधिकाऱ्यांनी त्यांना सक्तीने क्वारंटाइन केलं” असं बिहारचे डीजीपी गुप्तेश्वर पांडे यांनी टि्वट केले आहे. “विनंती करुनही त्यांना आयपीएस मेसमध्ये राहण्यासाठी जागा मिळाली नाही. ते गोरेगावच्या एका गेस्टहाऊसमध्ये राहत आहेत” असे टि्वटमध्ये म्हटले आहे.

IPS officer Binay Tiwari reached Mumbai today from patna on official duty to lead the police team there but he has been forcibly quarantined by BMC officials at 11pm today.He was not provided accommodation in the IPSMess despite request and was staying in a guest house in Goregaw pic.twitter.com/JUPFRpqiGE

— IPS Gupteshwar Pandey (@ips_gupteshwar) August 2, 2020

बिहार पोलिसांना मुंबई पोलिसांकडून हवं तसं सहकार्य मिळत नसल्याची टीका अनेकांनी केली होती. तसेच मुंबई पोलीस मदत करत नसल्याचं म्हटलं जात आहे. बिहारच्या पोलिसांनी दोन दिवसांपूर्वी हे वृत्त फेटाळून लावलं होतं. मुंबई पोलिसांनी आपल्या टीमसोबत कोणतही गैरवर्तन केलं नसल्याचं त्यांनी म्हटलं होतं. “मुंबई पोलिसांनी कोणत्याही प्रकारचे गैरवर्तन केलं नसल्याच मुंबईतील टीमने आम्हाला कळवलं आहे. मुंबई पोलिसांकडून बिहार पोलिसांच्या टीमशी गैरवर्तन करण्याच्या सर्व रिपोर्टचा मी निषेध करतो” असं बिहारचे डीजीपी गुप्तेश्वर पांडे यांनी म्हटलं होतं. मात्र त्यानंतर आता मुंबईत आलेल्या IPS अधिकाऱ्याला BMCने जबरदस्तीने क्वारंटाईन केल्याचा आरोप बिहार पोलिसांनी केला आहे.

News English Summary: Patna SP Vinay Tiwari, who came to Mumbai to probe actor Sushant Singh Rajput’s suicide, has been quarantined till August 15. So Tiwari had to spend the first night in Mumbai at the SRPF camp in Goregaon.

News English Title: Patna IPS Officer Probing Sushant Singh Rajput Case Forcibly Quarantined In Mumbai Says Bihar DGP News Latest Updates.