रामदास आठवले हे अर्धे शटर बंद झालेलं दुकान | शिवसेनेचं टीकास्त्र

मुंबई, १४ सप्टेंबर : महाराष्ट्रात पोलिसांवर दबाव आणून चुकीचे कलम लावले जात आहे. गुंडागर्दी करणं शिवसेनेची जुनी सवय आहे आणि अशा परिस्थितीत महाराष्ट्रात राष्ट्रपती राजवट लागू करावी, अशी मागणी केंद्रीय मंत्री रामदास आठवले यांनी केली आहे. त्यावरून शिवसेना प्रवक्ते अनिल परब यांनी रामदास आठवले यांची खिल्ली उडवली आहे. रामदास आठवले हे अर्धे शटर बंद झालेलं दुकान आहे, अशा शब्दांत अनिल परब यांनी आठवले यांचा समाचार घेतला.

शिवसेना नेते अनिल परब यांनी आज पत्रकार परिषदेत कंगनावर टीका केली. कंगनाला जर मुंबई पाकव्याप्त काश्मीर वाटत असेल तर तिनं योग्य वाटत असेल तिथं राहावं. मुंबईबद्दल वाईट बोलत असेल आम्ही ऐकून घेणार नाही. आपलं बस्तानं त्यांनी उचलावं हेच योग्य ठरेल. अशी टीका अनिल परब यांनी केली आहे.

अनिल परब यांनी पुढे म्हटलं की, ‘बेकादेशीर काम करणा-यांना राज्यपाल भेटत असत असतील, तर फक्त कंगनाला का भेटता ? बेकायदा बांधकामं तुटलेल्या सामान्य लोकांनाही भेटावं. तिचं बांधकाम तुटल्यावर इतका पोटशूळ का ?. मर्यादा दोन्ही बाजूंनी पाळाव्यात. कोणी काही बोलले, दैवताला बोलले असेल आणि सत्तेत बसलोय म्हणून आम्ही बोलायचं नाही का? बाळासाहेबांनी हे शिकवलं नाही.’

कंगनाची पर्सनॅलिटी स्प्लिस्ट पर्सनॅलिटी आहे. तिला डॉक्टरांची गरज आहे. हवंतर सेना डॉक्टरांची कुमक पाठवेल. अशा अनेक कंगना आल्या आणि गेल्या. कंगना अॅक्टर आहे, तिला जे स्क्रिप्ट दिलं जातंय, त्यानुसार ती बोलतेय अशी टीका देखील अनिल परब यांनी केली आहे.

News English Summary: Hooliganism is an old habit of Shiv Sena and in such a situation President’s rule should be implemented in Maharashtra, demanded Union Minister Ramdas Athavale. Shiv Sena spokesperson Anil Parab has ridiculed Ramdas Athavale. Ramdas Athavale is a shop with half shutters closed, said Anil Parab.

News English Title: Shivsena leader Minister Anil Parab criticized Ramdas Athavale about support to Kangana Ranaut for Mumbai issue Marathi News LIVE latest updates.