6 July 2020 5:03 AM
अँप डाउनलोड

भाजपचा संबंध नाही कसा? दिल्ली पक्ष कार्यालयातच पुस्तक प्रसिद्ध झाले: शिवसेना

Aaj Ke Shivaji Narendra Modi book, BJP Leader Jai Bhagwan Goyal, Shivsena, MP Sanjay Raut

मुंबई: पंतप्रधान नरेंद्र मोदी यांची तुलना महाराष्ट्राचे आराध्य दैवत छत्रपती शिवाजी महाराज यांच्याशी करणारं ‘आज के शिवाजी-नरेंद्र मोदी’ हे वादग्रस्त पुस्तक मागे घेण्यात आलं आहे. पुस्तकाचे लेखक जयभगवान गोयल यांनी पुस्तक मागे घेतल्याची माहिती केंद्रीय मंत्री प्रकाश जावडेकर यांनी काल रात्री उशिरा दिली. मात्र यावरुन शिवसेनेनं भारतीय जनता पक्षाचा लक्ष्य केलं आहे. ‘आज के शिवाजी’ पुस्तक म्हणजे ढोंग अन् चमचेगिरीचा सर्वोच्च नमुना असल्याची टीका शिवसेनेनं ‘सामना’मधून केली आहे.

महाराष्ट्रनामा अँप डाउनलोड - कोविड - १९ डॅशबोर्ड

दरम्यान, ‘आज के शिवाजी नरेंद्र मोदी’ पुस्तकावरून शिवसेनेनं कोडींत पकडण्याचा प्रयत्न केला आहे. पुस्तकाचे लेखक गोयल यांच्याशी पक्षाचा संबंध नाही, असं भारतीय जनता पक्षानं स्पष्ट केल्यानंतर शिवसेनेनं पुन्हा भारतीय जनता पक्षाच्या वर्मावर बोट ठेवलं आहे. “आता भारतीय जनता पक्षावाले म्हणतात, गोयलशी आमचा काय संबंध? संबंध नाही कसा? पक्ष कार्यालयात पुस्तक प्रसिद्ध झाले व भारतीय जनता पक्षाचे नेते त्या वेळी हजर होते. हे गोयल आजही म्हणतात, ”आमचे शिवाजी फक्त नरेंद्र मोदीच!” असं सांगत शिवसेनेनं भारतीय जनता पक्षावर टीकेचा बाण सोडला.

ज्या लोकांनी पंतप्रधान मोदींना शिवाजी म्हणून संबोधले आहे, त्यांनीच लोकसभा निवडणुकीपूर्वी मोदींना विष्णुचे तेरावे अवतार म्हटले होते. अशा लोकांमुळे देव, देश, धर्माचाही अपमान आहे. यात पंतप्रधान मोदींची कोंडी होत आहे. ‘आज के शिवाजी- नरेंद्र मोदी’ हे पुस्तक म्हणजे ढोंगी आणि चमचेगिरीचा उत्तम नमुना असल्याची टीका सामनातून करण्यात आली आहे.

छत्रपती शिवरायांचे वारसदारही आता चिडले आहेत. छत्रपती शिवरायांचा अपमान झाला आहे. शिवरायांच्या वंशजांनी म्यानातून सपकन तलवार काढावी. ती आता काढली आहे व त्याबद्दल त्यांचे आभार. भाजपाची तोंडे म्यान झाली म्हणून आम्ही हे ‘शिवव्याख्यान’ मांडले, असंही अग्रलेखात पुढे म्हटलं आहे.

 

Web Title:  Shivsena Party asked question to BJP over Aaj Ke Shivaji Narendra Modi book.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#Narendra Modi(1239)#Shivsena(886)

संबंधित बातम्या

राहुन गेलेल्या बातम्या

x