हे काय? खासदार अदाणींच्या सौजन्याने वस्तू वाटप करतात | आमदारांचे अदाणी विरोधात मोर्चे

मुंबई, १३ ऑगस्ट : कोरोनाकाळात सर्वसामान्यांची आर्थिक गणिते कोलमडली असतानाच, अवाच्या सवा दराने आलेल्या वीज देयकांमुळे महावितरणविरोधात सध्या राज्यभर तीव्र नाराजी पसरली आहे. वाढीव वीज बिलाची चर्चा संपूर्ण राज्यात सुरु असून त्याबद्दल सरकार आणि वीज मंडळांविरोधात संतापाचं वातावरण आहे, कारण लाखो ग्राहकांना नेहमीपेक्षा तिप्पट बिल आलं आहे.

वाढीव वीज बिलाचा फटका फक्त सर्वसामान्यच नाही तर सेलिब्रेटींनाही बसत असल्याचं समोर आलं आहे. बॉलिवूड अभिनेत्री तापसू पन्नूला तब्बल ३६ हजारांची वीज बिल आलं आहे. तापसीने ट्विटरच्या माध्यमातून याची माहिती दिली असून संताप व्यक्त केला होता. “लॉकडाउनचे तीन महिने आणि कोणती नवी उपकरणं मी वापरली आहेत किंवा नव्याने विकत आणली आहेत ज्यामुळे मला इतकं वीजबिल आलं आहे. नेमकं कोणत्या वीजेचं शुल्क आकारत आहात?,” अशी संतप्त विचारणा तापसीने ट्विटच्या माध्यमातून केली होती. यावेळी तापसीने अदानी वीज कंपनीला टॅगही केलं होतं.

विशेष म्हणजे महावितरणने अव्वाच्या सव्वा वीज बिल पाठवल्याने संतप्त झालेल्या शिवसैनिकांनी वसईमध्ये महावितरणवर चड्डी बनियन मोर्चा काढला होता. यावेळी त्यांनी लॉकडाऊनमुळे आमच्या अंगावर केवळ चड्डी बनियन उरलीय, तुमचे बील कुठून भरणार? असा सवाल महावितरणच्या अधिकाऱ्यांना केला होता. राज्यात शिवसेनेची सत्ता आणि स्वतः उद्धव ठाकरे मुख्यमंत्री असताना देखील शिवसेनेचे मोर्चे काही संपलेले नाहीत.

आता मुंबईतील चांदिवली विधानसभा मतदार संघातील शिवसेना आमदार दिलीप लांडे यांनी अदानी पॉवर विरोधात मोर्चाचं आयोजन केलं आहे. तत्पूर्वी शिवसेनेचे मुंबईतील खासदार याच अदानी पॉवर समूहाच्या सौजन्याने लोकांमध्ये वस्तू वाटप करत असल्याचं समाज माध्यमांवर प्रसिद्ध झाल्याचं पाहायला मिळालं होतं. त्यामुळे शिवसेना लोकांना मूर्ख समजून कशासाठी हा ढोंगीपणा करत आहेत असा प्रश्न विचारला जाऊ लागला आहे.

News English Summary: While the economic calculations of the common man have collapsed during the Corona period, there has been intense resentment against MSEDCL across the state due to the power bills coming at the rate of Rs. Discussions on the hike in electricity bills are going on across the state and there is an atmosphere of anger against the government and power boards

News English Title: Shivsena protest against Adani Electricity in Mumbai News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.