मास्क न घालता घराबाहेर पडल्यास होणार अटक; महापालिकेचे आदेश

मुंबई, ०८ एप्रिल: कोरोनाचा प्रादुर्भाव रोखण्यासाठी वैयक्तिक, कार्यालयीन अथवा कुठल्याही कारणासाठी सार्वजनिक ठिकाणी मास्क घालणे महापालिकेने बंधनकारक केले आहे. मास्क नसल्यास संबंधिताला अटकही होऊ शकते, असा इशारा आयुक्त प्रवीण परदेशी यांनी बुधवारी दिला. या आदेशाचे उल्लंघन करणाऱ्यावर पोलीस किंवा सहाय्यक आयुक्त यांनी नियुक्त केलेल्या अधिकाऱ्यांमार्फत कारवाई होणार आहे.

All persons moving in public places for whatever reason must wear 3-ply mask or cloth mask compulsorily: Brihanmumbai Municipal Corporation (BMC) #COVID19

— ANI (@ANI) April 8, 2020

या निर्णयानुसार मुंबईत सार्वजनिक ठिकाणी रस्ते, रुग्णालय, मार्केट तसंच इतर ठिकाणी प्रत्येक व्यक्तीने मास्क घालणं बंधनकारक आहे. कितीही महत्त्वाचं कारण असलं तरी मास्क घालणं बंधनकारक आहे. याशिवाय आपल्या खासगी किंवा कार्यलयीन वाहनात फिरतानाही मास्क बंधनकारक असणार आहे. तसंच महापालिकेच्या अधिकारी, कर्मचाऱ्यांनाही बैठक, कार्यक्रम तसंच कामाच्या ठिकाणी मास्क बंधनकारक असणार आहे. हे मास्क केमिस्टकडे उपलबध असतील किंवा घऱात धुवून पुन्हा वापरु शकणारे असू शकतील असंही महापालिकेने सांगितलं आहे.

महाराष्ट्र राज्यातील कोरोना विषाणू प्रसारावरील प्रतिबंधात्मक उपाय म्हणून मुंबई विकास प्रादेशिक विकास क्षेत्र (MMR) तसेच पुणे महानगर प्रादेशिक विकास क्षेत्रातील (PMR) कार्यालयांमधील अधिकारी/ कर्मचारी व अभ्यागतांना चेहऱ्यावर मास्क परिधान करणे बंधनकारक करण्यात येत आहे#CoronaCrisis pic.twitter.com/mhOsiiQ1Rf

— महाराष्ट्रनामा न्यूज (@MahanamaNews) April 8, 2020

यापूर्वी विविध राज्यात मास्क वापरण्याबाबत निर्णय घेण्यात आले आहेत. चंदीगडमध्येही मास्क वापरणं अनिवार्य करण्यात आलं होतं. याशिवाय ओदिशा सरकारनेही सार्वजनिक ठिकाणी मास्क वापरणं बंधनकारक केलं आहे.

News English Summary: The municipality is obliged to wear masks in public, office or for any reason, to prevent corona outbreak. The Commissioner Praveen Pardeshi on Wednesday warned that a relative could be arrested if he did not have a mask. Violations of this order will be initiated by the police or the officers appointed by the Assistant Commissioner.

News English Title: Story corona virus mask compulsion in Mumbai BMC Covid19 News Latest updates.