रुग्णालयातील बेड्सची माहिती मिळत नसल्याने कोरोनाबाधित त्रस्त...सविस्तर

मुंबई, २० मे : १९ मे रोजी वडाळ्यातल्या एका एसआरएच्या इमारतीत राहणारी व्यक्ती कोरोनाबाधित आढळून आली. त्यानंतर त्या व्यक्तीला सोमय्या रुग्णालयात नेण्यात आलं. मात्र तिथे बेड उपलब्ध नव्हते. संबंधित रुग्णाला दुसऱ्या रुग्णालयात नेण्याऐवजी त्याला घरी सोडण्यात आलं. रुग्णाच्या शेजाऱ्यांनी क्वांरिटन करण्याच्या सूचनादेखील दिल्या गेल्या नाहीत. त्यांची कोणतीही चाचणी घेण्यात आली नाही. एखादी व्यक्ती कोरोनाबाधित आढळल्यास किमान ती राहत असलेला मजला सील केला जावा, असं नियम सांगतो. मात्र पालिकेच्या कर्मचाऱ्यांनी एकही नियम पाळला नाही.

याबद्दल पालिका अधिकाऱ्याला विचारणा केली असता, रुग्णालयात बेड उपलब्ध नसल्यानं रुग्णाच्या कुटुंबानं त्याला घरी आणल्याची माहिती त्यानं दिली. अधिकाऱ्यांनी इमारतीचा मजला का सील केला नाही, याबद्दल आपल्याला काहीच कल्पना नसल्याचं अधिकाऱ्यानं सांगितली. या प्रकारामुळे स्थानिकांमध्ये घबराट निर्माण झाली असून पालिकेच्या कारभाराबद्दल प्रश्नचिन्ह निर्माण झालं आहे.

दुसरीकडे ठाणे महानगरपालिकेच्या हद्दीत मंगळवारी ही घटना घडली असुन अस्वस्थ वाटू लागल्याने रुग्णाचे नातेवाईक रुग्णाला घेवून ठाणे महानगरपालिकेच्या कळवा हॉस्पिटल मध्ये गेले होते. तेथे फक्त क्वारंटाइन कक्ष असल्याने रुग्णाला तिथे दाखल करून घेतले गेले नाही. तर रुग्ण पॉझिटिव्ह असल्याचा अहवाल नसल्याने आणि फक्त पॉझिटिव्ह रुग्णांनाच सिव्हील हॉस्पिटलमध्ये दाखल करुन घेतले जात असल्याने त्या रुग्णाला सिव्हील हॉस्पिटलमध्ये देखील दाखल करून घेतले गेले नाही.

विशेष म्हणजे महापालिकेच्या कर्मचाऱ्यांनादेखील करोनाची लागण होत असून मुंबई पालिका मुख्यालयातील कर्मचारीही मोठय़ा प्रमाणावर बाधित झाल्याचे समजते. सुरक्षारक्षक, मालमत्ता विभाग, विकास नियोजन विभाग, अतिदक्षता विभागातील कर्मचारी बाधित झाले आहेत.

News English Summary: On May 19, a man living in an SRA building in Wadala was found coroned. The man was later rushed to Somaiya Hospital. But there were no beds available. Instead of taking the concerned patient to another hospital, he was released home.

News English Title: Suffering from coronary heart disease due to lack of information on hospital beds News Latest Updates.