अजमेर : सध्या ५ राज्यांमध्ये विधानसभेची धामधूम सुरु असून त्यानिमित्त एकमेकांवर चिखलफ़ेक सुरु असताना भाजपने काँग्रेस अध्यक्ष राहुल गांधींना डिवचण्यासाठी तुमचे गोत्र कोणते असा प्रश्न उपस्थित केला होता. सध्या कॉंग्रेस अध्यक्ष राहुल गांधी राजस्थान दौऱ्यावर आले आहेत.

दरम्यान, राहुल गांधी यांनी अजमेर येथे ख्वाजा मोइनुद्दीन चिश्ती दरगाहामध्ये येथे चादर चढवली. त्यानंतर ते थेट पुष्कर येथील जगतपिता ब्रम्हाच्या मंदिरात गेले. त्यावेळी त्यांनी स्वतः त्यांच्या गोत्राचा जाहीररीत्या खुलासा केला. पुष्कर दर्शनावेळी मंदिरातील पुजाऱ्याने राहुल गांधी यांना तुमचे गोत्र सांगा असा प्रश्न विचारल्यानंतर त्यांनी ‘कौल दत्तात्रय ब्राह्मण’ असे उत्तर दिले. राहुल गांधींनी ते कौल (कश्मीरी) ब्राह्मण असून त्यांचे गोत्र दत्तात्रय असल्याचे स्पष्ट केले आहे सांगितले. आणि त्यानंतरच त्यांनी मंदिरात पूजा पूर्ण केल्याचे पुजारीने प्रसार माध्यमांना सांगितले.

congress president rahul gandhi belongs to kaul dattarya bhrahmin gotra