गुजरातमधील तरुणाईचा कल काँग्रेसकडे? गुजरातमध्ये ABVP ला धक्का आणि एनएसयूआय'चा विजय

बडोदा : आरएसएस तसेच भाजप प्रणित विद्यार्थी संघटनेला गुजरातच्या बडोद्यातील महाराजा सयाजीराव विद्यापीठात काँग्रेस प्रणित नॅशनल स्टुडंट्स युनियन ऑफ इंडिया अर्थात ‘एनएसयूआय’ या संघटनेने धक्का देत विजय संपादित केल्याने मोदींच्या गुजरात मधील तरुणाईचा कल काय असू शकतो ते प्रथम दर्शनी निदर्शनास येत आहे असे स्थानिक राजकीय विशलेषक मत व्यक्त करत आहेत.

या निवडणुकीत १६,००० विद्यार्थ्यांनी मतदानाचा हक्क बजावला. जनरल सेक्रेटरी आणि उपाध्यक्ष या पदांसाठी या निवडणुका पार पडल्या होत्या. त्यात मुख्य लढत ही कॉग्रेस प्रणित ‘एनएसयूआय’ आणि आरएसएस तसेच भाजप प्रणित विद्यार्थी सेना म्हणजे ए.बी.व्ही.पी यांच्यातच होती. परंतु गुजरातमधील सुशिक्षित तरुणाईने काँग्रेसला पसंती दिल्याने त्यांचा आत्मविश्वास द्विगुणित झाला आहे.

विशेष म्हणजे ‘एनएसयूआय’ने भाजप विरुद्धची ही निवडणूक मोठ्या फरकाने जिंकून विजय संपादित केला आहे. राजीव सातव यांनी प्रतिक्रिया देताना हा गुजरातमधील तरुणाईचा भाजप विरोधी कल असल्याचे म्हटलं आहे.

MS University, Vododara mei ABVP NOTA se bhi chota. #NSUIWinsInModiHome pic.twitter.com/3sTBYjbOde

— NSUI (@nsui) August 24, 2018