जिंद : हरयाणातील जिंद विधानसभा पोटनिवडणुकीसाठी सकाळी ७ वाजल्यापासून मतदानाला सुरुवात झाली आहे. तब्बल २१ उमेदवार या पोटनिवडणूक रिंगणात उतरले आहेत. त्यात काँग्रेसचे राष्ट्रीय प्रवक्ते रणदीप सुरजेवाला मैदानात उतरल्याने काँग्रेसने सुद्धा ही पोटनिवडणूक प्रतिष्टेची केली आहे. जिंद’ची जागा राखण्यासाठीच काँग्रेसने मोठा उमेदवार रिंगणात उतरवला आहे.

भाजपाकडून कृष्ण मिड्ढा, काँग्रेसचे रणदीप सुरजेवाला, इनेलोकडून उमेद सिंह रेढू आणि जजपाकडून दिग्विजय चौटाला यांच्यासह तब्बल एकवीस उमेदवार या पोटनिवडणुकीच्या रिंगणात आहेत. दरम्यान, ३१ जानेवारीला या निवडणुकीचा निकाल जाहीर होणार आहे. त्यानिमित्त काँग्रेसचे उमेदवार रणदीप सुरजेवाला यांनी आज सोमनाथ मंदिरात जाऊन देव दर्शन करत प्रार्थना सुद्धा केली.

haryana jind byelection and beginning of the voting morning