उद्या सोमैय्यांचा पारनेर येथे 'आरोप पर्यटन दौरा' | कारखाना विक्री प्रकरणी सोमय्या पारनेरला जाणार

पारनेर, २२ सप्टेंबर | नगर जिल्ह्यातील पारनेर तालुक्यातील पारनेर सहकारी साखर कारखान्याच्या विक्री व्यवहाराची चौकशी व पाहणी करण्यासाठी भाजपचे ज्येष्ठ नेते किरीट सोमय्या गुरुवारी पारनेरला भेट देणार आहेत. दरम्यान नगर जिल्ह्याचे पालकमंत्री हसन मुश्रिफांवर आरोप केल्यानंतर सध्या सोमय्या चर्चेचे केंद्रबिंदू बनलेले आहे. यातच त्यांचा आता पारनेर दौरा हा विशेष चर्चेचा ठरणार आहे. क्रांती शुगरकडे पैसे नसतानाही ३२ कोटींना हा कारखाना कसा विकत घेतला असा प्रश्न उपस्थित करत सहकारी बँकेने कारखाना विक्रीची प्रक्रिया संशयास्पदरित्या राबवली असल्याचा आक्षेप बचाव समितीचा आहे.

उद्या सोमैय्यांचा पारनेर येथे ‘आरोप पर्यटन दौरा’, कारखाना विक्री प्रकरणी सोमय्या पारनेरला जाणार – leader Kirit Somaiya will visit Parner on Thursday over sugar factory sale issue :

या कारखाना विक्रीतील भ्रष्टाचाराबाबत खंडपीठातही तीन याचिका दाखल आहेत. दरम्यान कारखाना विक्री प्रक्रियेत झालेल्या घोटाळ्याची चौकशी करून दोषींवर कारवाईची मागणी करावी अशी मागणी कारखाना बचाव समितीने सक्तवसुली संचालनालयाकडे केली आहे. समितीच्या प्रतिनिधींनी दिल्ली येथे केंद्रीय मंत्री डॉ. भागवत कराड व ईडीचे मुख्य संचालक संजय मिश्रा यांची दिल्ली येथे भेट घेतली होती.

त्यानंतरच हालचालींना वेग आला. सोमय्या कारखाना स्थळावर सभासद व शेतकऱ्यांशी संवाद साधतील. नंतर ते पारनेर येथे येतील. पुरावे देऊन ईडीकडे पाठपुरावाही केला होता. मात्र त्याची दखल न घेतल्यामुळे ईडीविरोधात मुंबई येथे २० ऑक्टोबरपासून उपोषणाचा इशारा बचाव समितीने दिला आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. आरोग्य विषयक लेखात दिलेला सल्ला ही केवळ सामान्य माहिती आहे. हे तज्ञांचे मत नाही.

News Title: BJP leader Kirit Somaiya will visit Parner on Thursday over sugar factory sale issue.